តោះ! ទៅរៀនបន្ថែមពីតិចនិកគ្រប់គ្រងជំនួញឲ្យមាននិរន្តរភាពក្នុងវេទិកាអាជីវកម្មចុងសប្តាហ៍នេះ
- 2018-10-31 03:44:55
- ចំនួនមតិ 0 | ចំនួនចែករំលែក 0
តោះ! ទៅរៀនបន្ថែមពីតិចនិកគ្រប់គ្រងជំនួញឲ្យមាននិរន្តរភាពក្នុងវេទិកាអាជីវកម្មចុងសប្តាហ៍នេះ
ចន្លោះមិនឃើញ
ដំណឹងល្អសម្រាប់អ្នកដែលមានចំណូលចិត្តក្នុងរឿងធ្វើអាជីវកម្ម ឬជំនួញ នៅថ្ងៃទីអាទិត្យទី ៤ វិច្ឆការ ២០១៨ នេះ នឹងមានវេទិការអាជីវកម្មធំមួយក្រោមប្រធានបទ "និរន្តរភាពក្នុងអាជីវកម្មពិភពលោក" នៅ CJCC ចាប់ពីម៉ោង ១រសៀល ដល់ ៥ល្ងាច។ អ្នកចូលរួមប្រមាណ ៤៥០ នាក់នឹងអាចស្វែងយល់ស៊ីជម្រៅពីគន្លឹះ និងការគ្រប់គ្រងអាជីវកម្មឲ្យមាននិរន្តភាព និងដំណោះស្រាយដើម្បីជម្នះបញ្ហាប្រឈមផ្សេងៗ ពីសំណាក់វាគ្មិនជំនាញដែលមានបទពិសោធន៍ជំនួញច្រើនឆ្នាំ មកពីវិស័យខុសៗគ្នាដូចជា៖
១. លោកស្រី សំ លីណា - ស្ថាបនិកនៃគ្រឿងសង្ហារឹម អេលីស Ellesse Furniture
២. លោក គា បូរាណ – ប្រធាននាយកប្រតិបត្តិគ្រឹះស្ថានមីក្រូហិរញ្ញវត្ថុ AMK ភីអិលស៊ី
៣. លោក ទៅ ម៉េង - នាយិកានាយកដ្ឋានលក់របស់ក្រុមហ៊ុនខេមបូឌាប្រភើធីលីមីតធីត (CPL)
៤. លោក ថៃ វ៉ាន់ថា (Jerry Thai) ស្ថាបនិក @home Photography និង INSPIRED កម្ពុជា នឹងធ្វើជាអ្នកសម្របសម្រួលក្នុងកម្មវិធី។
វេទិកាអាជីវកម្ម ២០១៨ គឺជាព្រឹត្តិការណ៍អាជីវកម្មលើកទី ៥ ដែលរៀបចំដោយ ក្លឹបអាជីវកម្មអន្តរជាតិ (IBC) នៃវិទ្យាស្ថានពាណិជ្ជកម្មខេមអេដ (CamED) ក្នុងគោលបំណងចែករំលែកគំនិតពីវាគ្មិន មកពីបណ្ដាមជ្ឈដ្ឋានផ្សេងៗដើម្បីចែករំលែកបទពិសោធ និងចំណេះដឹងដ៏មានតម្លៃទាក់ទងនឹងបច្ចេកទេសក្នុងការគ្រប់គ្រងអាជីវកម្មឲ្យមានស្ថិរភាព និងការរីកចម្រើន ក៏ដូចជាបង្កើនសមត្ថភាពសិស្សានុសិស្ស ដែលកំពុងសិក្សានៅតាមសាកលវិទ្យាល័យនានា អ្នកជំនួញ និងសហគ្រិនដែលនាំមកនូវផលវិជ្ជមានដល់សេដ្ឋកិច្ចកម្ពុជា។
សង្ខេបកម្មវិធី ៖
ប្រធានបទ ៖ «និរន្តរភាពក្នុងអាជីវកម្មពិភពលោក»
កាលបរិច្ឆេទ៖ ថ្ងៃអាទិត្យ ទី៤ វិច្ឆិកា ២០១៨
ពេលវេលា៖ ចាប់ពីម៉ោង ១ រសៀលដល់ ៥ល្ងាច
ទីតាំង៖ មជ្ឈមណ្ឌលសហប្រតិបត្តិការកម្ពុជា - ជប៉ុន (CJCC)។
តម្លៃសំបុត្រ៖
សំបុត្រស្តង់ដារ តម្លៃ ១៥០០០រៀល សម្រាប់ម្នាក់ ដោយផ្តល់ជូនកូដបញ្ចុះតម្លៃ GRAB 50% សម្រាប់ការជិះចំនួន២ដង ទាំងជិះទៅ និងមក (កំណត់ត្រឹម ៦០០០ រៀល)។ អ្នកចូលរួមទាំងអស់នឹងទទួលបានវត្ថុអនុស្សាវរីយ៍ពិសេសមួយទៀត គឺ កាបូបខ្មៅដៃ IBC និងការចាប់រង្វាន់នៅចុងបញ្ចប់នៃកម្មវិធី។
អ្នកក៏អាចទិញសំបុត្រ ក្នុងតម្លៃតែ ១៣០០០រៀលប៉ុណ្ណោះ ប្រសិនបើអ្នកផ្លាស់ប្តូរ Frame ទៅវេទិកាពាណិជ្ជកម្មឆ្នាំ 2018 លើ Facebook’s Profile ហើយនៅតែទទួលបានអត្ថប្រយោជន៍រៀបរាប់ខាងលើដូចគ្នា៕