សាលី អ៊ូមើត បង្ហើបថា ភាពជោគជ័យរបស់ខ្លួនមិនមែនគ្រាន់តែហាត់នៅថៃទេ

2018-10-31 08:25:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់មេដាយមាស Asian Games 2018 សាលី អ៊ូមើត បាននិយាយពីភាពជោគជ័យរបស់ខ្លួនដូចសព្វថ្ងៃគឺមិនមែនបានមកដោយគ្រាន់តែបានទៅហាត់នៅថៃនោះទេ។

សាលី អ៊ូមើត

ម្ចាស់មេដាយប្រាក់ពិភពលោកឆ្នាំ២០១៨រូបនេះបាននិយាយថា «មែនទែនទៅកីឡានេះ ខ្ញុំមានបច្ចេកទេសដោយសារលួចមើលគេទេ។ ចំណែកគ្រូដែលបង្ហាត់ខ្ញុំនៅថៃ គាត់មកពីអូទ្រីសគឺគ្រាន់តែប្រាប់ពីរបៀបហូបចុក សម្រាក និងរបៀបថែទាំសុខភាពប៉ុណ្ណោះ។ បើសិនថា ខ្ញុំអាចលេងខ្លាំងដោយសារបានហាត់នៅថៃគឺមិនចឹងទេ។ កីឡានេះឲ្យតែមានទឹកអាចហាត់បានហើយ ពិសេសខ្ញុំមានបច្ចេកទេសដូច្នេះ ដោយសារការប្រឹងប្រែងហ្វឹកហាត់ និងទេពកោសល្យពីកំណើតរបស់ខ្ញុំគួបផ្សំផង»។

អ៊ូមើត បន្ថែមថា ចំណាយហ្វឹកហាត់កីឡានេះអស់រយៈពេល ៧ ខែ ទើបចេញប្រកួតជាលក្ខណៈយុវជនតែម្ដង។ សរុបទៅ សាលី អ៊ូមើត ឈ្នះមេដាយមាស ២ គ្រឿងហើយជូនកម្ពុជាមួយឈ្នះនៅព្រឹត្តិការណ៍ Asian Games 2018 និងមេដាយមាសមួយគ្រឿងទៀតឈ្នះក្នុងព្រឹត្តិការណ៍មួយនៅចិនកាលពីពេលថ្មីៗនេះ។ ជាងនេះទៅទៀតរូបគេក៏ឈ្នះមេដាយប្រាក់កម្រិតពិភពលោកនៅអាមេរិក និងឈ្នះមេដាយសំរឹទ្ធមួយគ្រឿងផងដែរពីព្រឹត្តិការណ៍ Asian Games 2018៕