IZ*ONE បំបែកកំណត់ត្រា MV ដំបូង ទទួលបានការចូលមើលច្រើនជាងគេ ក្នុងពេល ២៤ ម៉ោង

2018-10-31 08:46:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមចម្រៀងថ្មី IZ*ONE ទើបតែបានបំបែកកំណត់ត្រាដំបូងឲ្យក្រុមចម្រៀងរបស់ខ្លួន ជាមួយការចូលមើលច្រើនជាងគេលើ Youtube សម្រាប់វីដេអូចម្រៀងដំបូងរបស់ពួកគេក្នុងពេលត្រឹមតែ ២៤ ម៉ោង។

ក្រុមចម្រៀងថ្មីដែលមានសមាជិកចំនួន ១២ រូបនេះ បានចូលប្រឡូកវិស័យសិល្បៈជាមួយអាល់ប៊ុមដំបូង 'COLOR*IZ'។ ចំពោះវីដេអូចម្រៀងដំបូងរបស់ពួកគេដែលមានចំណងជើងថា៖ "La Vie en Rose” គឺទើបតែបំបែកកំណត់ត្រា ជាមួយការចូលមើលជាង ៤,៤ លានដងលើបណ្ដាញសង្គម Youtube ក្នុងពេលត្រឹមតែ ២៤ ម៉ោងប៉ុណ្ណោះ។ ជាមួយកំណត់ត្រានេះដែរ បានធ្វើឲ្យក្រុមចម្រៀងថ្មីមួយនេះ ក្លាយជាក្រុមចម្រៀងដែលទទួលបានការចូលមើលច្រើនជាងគេ លើវីដេអូចម្រៀងដំបូង ក្នុងពេលត្រឹមតែ ១ ថ្ងៃ។

គួរបញ្ជាក់ដែរថា កាលពីមុន កំណត់ត្រាមួយនេះ ត្រូវបានកាន់កាប់ដោយក្រុមចម្រៀង Stray Kids ដែលពួកគេទទួលបានការចុចមើលចំនួន ៤,២ លានដងក្នុងពេល ២៤ ម៉ោងដូចគ្នា សម្រាប់វីដេអូបទចម្រៀងដំបូងរបស់ពួកគេដែលមានចំណងជើងថា "Distict 9”៕

ទស្សនាវីដេអូខាងក្រោម៖