Han Seo Hee ជះកំហឹងក្នុងសារដ៏វែងអន្លាយមួយ ក្នុងន័យសំដៅដល់ T.O.P

2018-11-01 03:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ៣១ ខែតុលាកន្លងទៅនេះ សមាជិកក្រុម Big Bang តារាចម្រៀង T.O.P បានបង្ហោះរូបភាពលើ Instagram របស់លោកជាលើកដំបូង ក្រោយបាត់មុខពីបណ្ដាញសង្គមជាង ១ ឆ្នាំមកនេះ។ ប៉ុន្មានម៉ោងក្រោយមក Han Seo Hee ដែលជាប់ឈ្មោះជាអតីតមិត្តស្រីរបស់លោកនោះ បានជះកំហឹង ដោយបង្ហោះរូបមួយពីអគាររបស់ផលិតកម្ម YG អមដោយសារមួយយ៉ាងវែងអន្លាយ ហើយសារនោះដែរ ទំនងហាក់សំដៅចំៗចំពោះតារាចម្រៀង T.O.P តែម្ដង។

ក្នុងសារនោះដែរ នាងបានសរសេរថា៖ "កុំគិតថាចង់ចេញមកវិញឲ្យសោះ។ អ្នកឯងគិតថាខ្លួនឯងជានរណាដែលខំប្រឹងវារចេញមកបែបនេះ? ខ្ញុំបានឮថា អ្នកឯងដើរប្រាប់មិត្តភក្តិអ្នកឯងថា ខ្ញុំបានទទួលលុយពីអ្នក ហើយនិយាយថា ខ្ញុំជាស្រីមុខលុយ? អ្នកប្រហែលនិយាយអាក្រក់ពីខ្ញុំច្រើនពេករហូតដល់លេចឮដល់ខ្ញុំបែបនេះ។ ឈប់និយាយពាក់ព័ន្ធពីខ្ញុំទៀត។ អ្នកឯងអាចនិយាយបាន បើអ្នកពិតជាបានឲ្យលុយខ្ញុំមែន។ អ្នកឯងមានលុយច្រើនមិនខ្វះផងនោះ"។

អតីតមិត្តស្រីរូបនេះបានបន្តទៀតថា៖ "អ្នកមើលទៅដូចកំពុងរស់នៅដោយស្ងប់ស្ងាត់ណាស់ អ៊ីចឹងហើយបានជាខ្ញុំខំបិទមាត់ ប៉ុន្តែឥឡូវខ្ញុំនឹងនិយាយអ្វីដែលខ្ញុំត្រូវនិយាយ ព្រោះមើលទៅអ្នកឯងបង្ហោះរូបលើ Instagram ធ្វើហាក់ដូចអត់មានរឿងអីកើតឡើងសោះ។ ប៉ុន្តែទោះជាយ៉ាងណា ខ្ញុំមិនចង់កុហកទៀតទេ ដែលតាមពិតទៅអ្នកឯងទេ ដែលជាមនុស្សមុខលុយនោះ"។

“អ្នកឯងដឹងទេ ថាជំនួញអ្វីខ្លះក្នុងក្រុមហ៊ុនអ្នកឯងដែលខ្ញុំខំព្យាយាមបិទបាំងឲ្យអ្នកនោះ? ខ្ញុំចិត្តល្អពេកហើយ។ ពួកអ្នកសារព័ត៌មានសុំអង្វរខ្ញុំ ឲ្យទម្លាយរឿងហ្នឹងទៅ តែខ្ញុំខំបដិសេធគេគ្រប់គ្នា ព្រោះខ្ញុំខ្លាច។ ខ្ញុំគួរតែទម្លាយវាឲ្យអស់បានត្រូវ។ ប្រាកដណាស់ អ្នកឯងដឹងថាខ្ញុំកំពុងនិយាយពីអី។ ហេតុអី ខ្ញុំចាំបាច់ទៅអគារ YG នៅថ្ងៃនោះ? អ្នកឯងដឹងថាមកពីអី ហើយត្រូវទេ? អូ! មួយទៀត សូមរស់ឲ្យសមនឹងវ័យរបស់អ្នកផង។ ឈប់យកលេសធ្វើពើដូចជាខ្លួនឯងតារាទៀតទៅ។ អ្នកឯងគ្រាន់តែជាលោកពូម្នាក់ប៉ុណ្ណោះ។ ត្រឹមតែជាលោកពូប៉ុណ្ណោះ"៕

View this post on Instagram

너는 나올 생각도 하지마라 어딜 기어 나와 니 주변 사람들한테 내가 너한테 돈 받았다고 하고 다닌대매 꽃뱀이라고? 얼마나 떠들어댔으면 나한테까지 얘기가 들어와? 내 얘기 좀 작작해 야 돈이나 주고 말해 너 돈 많잖아 그래도 조용히 살고 있는 것 같길래 입 다물고 그냥 넘어갔는데 철판깔고 인스타 업로드하시는 거 보니까 할 말은 할려구 ㅎㅎ 그래도 난 너 처럼 너 좆뱀이라고 거짓말은 안할게 아 참 너도 알지? 내가 니네 회사 일 몇개나 숨겨줬는지 새삼 나 진짜 착하다 기자들이 서희씨 그냥 터트리자고 제발 그 일 터트리자고 하는거 니네 무서워서 그냥 다 거절했었는데 그때 그냥 터트릴걸 그랬어 뭔진 너도 알고 있을거라 믿어 내가 저 날 저기를 왜 갔을까? 너네도 알지? 아 그리고 제발 등치값 좀 해라 나이값도 좀 하고 예술가 인척도 그만 좀 해 걍 너는 아저씨야 아저씨 틀딱 아저씨

A post shared by sᴇᴏʜᴇᴇ ʜᴀʜɴ (@hxxsxxhee) on Oct 31, 2018 at 6:24am PDT