ស្វែងយល់ពីគ្រូទាំង៦ ក្នុងពូល A ដែលជាពូលរបស់កម្ពុជានៅ Suzuki Cup
- 2018-11-01 04:06:05
- ចំនួនមតិ 0 | ចំនួនចែករំលែក 0
ស្វែងយល់ពីគ្រូទាំង៦ ក្នុងពូល A ដែលជាពូលរបស់កម្ពុជានៅ Suzuki Cup
ចន្លោះមិនឃើញ
មិនយូរប៉ុន្មានទៀតទេ ពោលថ្ងៃទី ៨ ខែ វិច្ឆិកា ឆ្នាំ ២០១៨ ការប្រកួតពានរង្វាន់ AFF Suzuki Cup នឹងចាប់ផ្ដើមប្រកួតហើយ។ កម្មវិធីនេះចែកចេញជាពីរពូល ក្នុងមួយពូលមាន៥ប្រទេស។ សម្រាប់ប្រទេសទាំង១០លេងក្នុងពាននេះគឺមកពីតំបន់អាស៊ីអាគ្នេយ៍ទាំងអស់។
ចំពោះកម្ពុជាស្ថិតនៅពូល A រួមជាមួយប្រទេស វៀតណាម ម៉ាឡេស៊ី មីយ៉ាន់ម៉ា និងឡាវ។ ដូច្នេះមុនការប្រកួតមកដល់ Sabay សូមបង្ហាញពីព័ត៌មានមួយចំនួនចំនួនរបស់គ្រូក្នុងពូល A៖
១. Park Hang-seo (គ្រូជម្រើសជាតិវៀតណាម)
លោកមានវ័យ៥៩ឆ្នាំ ជាជនជាតិកូរ៉េខាងត្បូង និងត្រូវបានតែងតាំងធ្វើជាគ្រូវៀតណាមនៅឆ្នាំ២០១៧។ សមិទ្ធផលដែល Park ធ្លាប់ធ្វើបានក្នុងនាំជាគ្រូជួយក្លឹប Sangju Sangmu ឈ្នះ K-League២ដង នាំជម្រើសជាតិវៀតណាមបានលេខ២ពាន AFC U-23 Championship ២០១៨។
Park ធ្លាប់ជាជំនួយការរបស់គ្រូសញ្ជាតិហូឡង់ Guus Hiddink កាលដឹកនាំកូរ៉េខាងត្បូងនៅ World Cup ២០០២ ដែលកាលនោះពួកគេឡើងដល់វគ្គពាក់កណ្ដាលផ្ដាច់ព្រ័ត្រ។
២. Tan Cheng Hoe (គ្រូជម្រើសជាតិម៉ាឡេស៊ី)
លោកមានវ័យ៥០ឆ្នាំ ជនជាតិម៉ាឡេស៊ី ត្រូវជ្រើសរើសជាគ្រូនៅឆ្នាំ២០១៧។ ស្នាដៃ Tan ធ្លាប់នាំក្លឹប Kedah ឈ្នះពាន Malaysian Cup ២០១៦ និងAFF Suzuki Cup ២០១០ ក្នុងនាមជាជំនួយការ។
៣. Antoine Hey (គ្រូជម្រើសជាតិមីយ៉ាន់ម៉ា)
Antoine មានវ័យ៤៨ឆ្នាំ សញ្ជាតិដើមអាល្លឺម៉ង់ និងតែងតាំងជាគ្រូនៅឆ្នាំ២០១៨។ លោកជាគ្រូមានបទពិសោធន៍ក្នុងជម្រើស ដោយធ្លាប់ដឹកនាំ៦ប្រទេសមកហើយដូចជា ឡេសូតូ ហ្សំប៊ី លីបេរីយ៉ា កេនយ៉ា Rwamnda និងពេលនេះមីយ៉ាន់ម៉ា។
លោកធ្លាប់ជាកីឡាករអាជីព លេងអស់រយៈពេល១៥ឆ្នាំ ដោយចំណាយពេលលេងដំបូងឲ្យក្លឹបស្វីស Grasshoppers។
៤. Keisuke Honda / Felix Dalmas
Honda មានវ័យ៣២ឆ្នាំជនជាតិជប៉ុន ឯ Felix មានវ័យ៣០ឆ្នាំជនជាតិអាហ្សង់ទីន។ ពួកគេត្រូវបានតែងតាំងក្នុងឆ្នាំ២០១៨នេះ។ នេះគឺជាលើកដំបូងសម្រាប់បទពិសោធន៍ដឹកនាំជម្រើសជាតិក្រុមធំរបស់អ្នកទាំងពីរ។ Honda ជាកីឡាករជោគជ័យក្នុងអាជីពបាល់ទាត់ម្នាក់ធ្លាប់ឈ្នះពាននៅហូឡង់ រុស្សីនិងអ៊ីតាលី ជាពិសេសពាន AFC Asian Cup ២០១១ ជាមួយជប៉ុន។
សម្រាប់ Dalmas មានទំនាក់ទំនងជាមួយ Honda តាមរយៈ ពេលដែលគេជាកីឡាករលេងក្នុងលីគស្ម័គ្រចិត្តក្នុងប្រទេសជប៉ុន ដោយកាលនោះចំណាយពេល៤រដូវកាលជាមួយក្លឹបក្នុងតំបន់ Kyoto។
៥. V. Sundramoorthy (គ្រូជម្រើសជាតិឡាវ)
Sundramoorthy មានវ័យ៥៣ឆ្នាំ ជនជាតិសិង្ហបុរី លើកជាគ្រូនៅឆ្នាំ២០១៨។ ជាគ្រូលោកធ្លាប់ដឹកដៃក្លឹប Lions XII ឈ្នះពាន Malaysia Super League ២០១៣។