Soyo កំពុងចាត់វិធានការ ចាប់អ្នកលួច Live វីដេអូរឿង «ធ្មប់» ខុសច្បាប់

2018-11-01 10:13:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តរឿង «ធ្មប់» ត្រូវបានអ្នកប្រើប្រាស់បណ្ដាញសង្គម Facebook និង Youtube លួចយកទៅបង្ហោះផ្សព្វផ្សាយ Live វីដេអូដោយឥតកោតក្រែងម្ចាស់ដើម។ ពេលនេះអ្នកលួចទាំងនោះកំពុងប្រឈមនឹងផ្លូវច្បាប់ទាក់ទងនឹងច្បាប់កម្មសិទ្ធិបញ្ញា និងការលួចចម្លង។ នេះបើតាម លោក ស៊ុត ឈាងឡេង អ្នកគ្រប់គ្រង Soyo។

លោក ស៊ុត ឈាងឡេង

គួរបញ្ជាក់ផងដែរថា វីដេអូ ដែលមាននៅលើ App Soyo ជាផលិតផលវីដេអូដែលមានចុះបញ្ជីរ និងមានច្បាប់រក្សាសិទ្ធិបញ្ញា និងអាជីវកម្មស្របច្បាប់របស់ប្រទេសកម្ពុជា។ ការណ៍ដែលយកវីដេអូផ្សព្វផ្សាយនៅលើ App Soyo ទៅផ្សព្វផ្សាយដោយគ្មានការអនុញ្ញាត ជាអំពើរខុសច្បាប់ទាំងស្រុង ដោយជនល្មើសអាចប្រឈម នឹងបទបញ្ញតិជាច្រើន ពិសេសការសងថ្លៃកម្មសិទ្ធិបញ្ញា ដែលលើសពីផលចំណេញដែល ជនល្មើសព្យាយាមទទួលបានយ៉ាងស្ដួចស្ដើងលើបណ្ដាញសង្គម។

រូប Page ដែលលួច Live រឿង ធ្មប់

លោក ស៊ុត ឈាងឡេង លើកឡើងថា៖ «ករណីលួចចម្លងខ្សែភាពយន្តយកទៅផ្សព្វផ្សាយដោយឥតអៀនខ្មាសបែបនេះ មិនបានជួយវិស័យភាពយន្តខ្មែរឱ្យរីកចម្រើនឡើយ។ ផ្ទុយទៅវិញការប្រព្រឹត្តរបស់អ្នកនឹងធ្វើឱ្យផលិតករបាក់ទឹកចិត្តលែងចង់ផលិត ហើយនឹងបាត់បងនៅថ្ងៃណាមួយ»។

រូបក្រុមការងារផលិតភាពយន្ត

លោក ឈាងឡេង បន្តថា ប្រិយមិត្តដែលបានឃើញការផ្សព្វផ្សាយភាពយន្តដោយសេរីបែបនេះ គួរជួយរាយការណ៍ ឬធ្វើការប្លុកផេកនោះដើម្បីជួយដល់ផលិតករ។ ឬអ្នកគួរយល់ថាទង្វើដែលអ្នកគាំទ្រទស្សនាវីដេអូលួចចម្លងបែបនេះ ជាអំពើខុសឆ្គង និងការមិនឱ្យតម្លៃផលិតករខ្មែរ ដែលខិតខំផលិតឡើងយ៉ាងលំបាក បែរជាត្រូវបានអ្នកលួចយកមកចែកចាយដោយសេរី ដើម្បីចំណេញការ Like លើ page ឬលើ youtube ផ្ទាល់ខ្លួនរបស់អ្នក៕

អត្ថបទ៖ Sunny