ស្រាយមន្ទិលរឿង ប៊ុត សីហា ច្រៀង"ហង្សមាសចិត្តបាប" ដៀមដាមឲ្យហង្សមាស

2018-11-02 03:21:28
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះបន្តិចមានការលើកឡើងថាម្ចាស់ពានក្នុងកម្មវិធី The Voice Cambodia រដូវកាលទី១ចម្រៀង Cover បទ "ហង្សមាសចិត្តបាប" ដៀមដាមឲ្យផលិតកម្មហង្សមាស ដែលឈប់ទទួលលោក ជាតារាចម្រៀងក្នុងផលិតកម្មខ្លួនតទៅទៀតក្រោយពីជាប់ពាក់ព័ន្ធរឿងគ្រឿងញៀន។

ឆ្លើយតបទៅនឹងមតិខាងលើលោក ឈួន សុខលីម ជាអ្នកដឹកនាំក្រុម Morodok Media ឲ្យដឹងថា បទចម្រៀង“ហង្សមាសចិត្តបាប" ជាសំនៀងដើមរបស់អ្នកស្រី ប៉ែន រ៉ន ដែល ប៊ុត សីហា យកមកច្រៀងCover នោះមិនបានដៀមដាមឲ្យផលិតកម្មហង្សមាសឡើយ។ ការយកមកច្រៀងឡើងវិញដោយសារតែការស្រឡាញ់ដូច្នេះសូមពុកម៉ែបងប្អូនកុំមានការយល់ច្រឡំ។

មួយវិញទៀតខាងផលិតកម្មហង្សមាសក៏មិនបានគិតថា ប៊ុត សីហា ច្រៀងដៀមដាមឲ្យខ្លួននោះដែរ ព្រោះបទចម្រៀង "ហង្សមាសចិត្តបាប" កន្លងមកហង្សមាសធ្លាប់យកទៅថតចេញជា MV ម្ដងរួចមកហើយ។ លោកថា៖" បទហ្នឹង សីហា គាត់អត់មានច្រៀងដៀមដាមឬចង់ឌឺឲ្យផលិតកម្មហង្សមាសទេអូន ទាល់តែស្ដាប់អត្ថន័យបានដឹង ថាចង់និយាយអំពីអ្វី"៕