ដាំឈើក្រញូងជាង៥ពាន់ដើមរួច អភិបាលខេត្តព្រះសីហនុ ព្រមានជាថ្មីអ្នកហ៊ានបំផ្លាញតំបន់សំខាន់១
- 2018-11-02 04:17:38
- ចំនួនមតិ 0 | ចំនួនចែករំលែក 0
ដាំឈើក្រញូងជាង៥ពាន់ដើមរួច អភិបាលខេត្តព្រះសីហនុ ព្រមានជាថ្មីអ្នកហ៊ានបំផ្លាញតំបន់សំខាន់១
ចន្លោះមិនឃើញ
រដ្ឋបាលខេត្តព្រះសីហនុ បាននាំកូនឈើក្រញូង ប្រមាណជាង ៥ពាន់ដើម យកទៅដាំឡើងវិញ នៅតំបន់ប្រើប្រាស់ច្រើនយ៉ាងក្បាលឆាយ ត្រង់ចំណុចក្បែរអាងទឹកស្អាតក្រុមហ៊ុន អានកូ បន្ទាប់ពីទីនេះត្រូវបានរងការទន្ទ្រាននាពេលកន្លងមក។ គោលបំណងសំខាន់នៃការដាំដុះនេះគឺ ដើម្បីស្ដារព្រៃឈើដែលបានបាត់បង់ឡើងវិញ សម្រាប់ជាប្រភពទឹកសាបប្រើប្រាស់នៅខេត្តព្រះសីហនុ ទាំងមូល។
ថ្លែងក្នុងពិធីដាំកូនឈើនេះ ឯកឧត្តម យន្ត មីន ព្រមានជាថ្មីទៀតថាអ្នកណាក៏ដោយដែលជាប់ពាក់ពន្ធ័ក្នុងអំពើបំផ្លាញព្រៃនៅតំបន់ក្បាលឆាយនឹងចាត់ការតាមច្បាប់ដោយគ្មានការយោគយល់ទៀតឡើយ។ ឯកឧត្តម អភិបាលខេត្ត បានណែនាំបន្ថែមដល់សមត្ថកិច្ច ធ្វើយ៉ាងណាត្រូវតែការពាព្រៃនេះ ឲ្យបានដាច់ខាតដើម្បីរក្សាប្រភពទឹកសាបទុកប្រើប្រាស់នៅទូទាំងខេត្តព្រះសីហនុ ។
ឯកឧត្តម បានបញ្ជាក់បន្ថែមថា ព្រៃនៅតំបន់ក្បាលឆាយនេះ គឺជាប្រភពទឹកសាបដ៏សំខាន់បំផុតមិនអាចខ្វះបានទេ ដូច្នេះត្រូវតែការពារអោយបានទោះត្រូវចំណាយក្នុងតំលៃណាក៏ដោយ។
គួរបន្ថែមថា គម្រោងអាងចម្រោះស្តុកទឹកទំហំ ៦០ ០០០ ម៉ែត្រត្រីគុណនៅតំបន់ក្បាលឆាយ កំពុងសាងសង់សម្រេចបាន ៩០% ហើយយ៉ាងយូរនៅដើមឬពាក់កណ្តាលខែធ្នូ ឆ្នាំ២០១៨ ប្រជាពលរដ្ឋ និងមានទឹកប្រើប្រាស់គ្រប់តម្រូវការ៕
ប្រភព៖ រដ្ឋបាលខេត្តព្រះសីហនុ