មិនឲ្យចាញ់កូនស្រី សឿន ផានផាភួង ត្រូវគេ Surprise ខួបកំណើតផ្អើលពេញកន្លែងថត

2018-11-02 07:21:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈពេលកុមារី អាង សុជាតា ហៅឈូឈូ ត្រូវបានមិត្តភ័ក្ដិ និងក្រុមការងារ Surprise ខួបកំណើតកាលពីយប់មិញនៅភោជនីយដ្ឋានមួយ។ ក្នុងថ្ងៃដដែលនេះដែរម្ដាយរបស់នាង គឺអ្នកនាង សឿន ផានផាភួង ក៏ត្រូវបានមិត្តភ័ក្ដិរួមជំនាន់ធ្វើឲ្យភ្ញាក់ផ្អើលមុនថ្ងៃពិសេសមកដល់។

អ្នកនាង សឿន ផានផាភួង ថាខ្លួនមានអារម្មណ៍ភ្ញាក់ផ្អើលយ៉ាងខ្លាំង ក្រោយពីឃើញមិត្តភ័ក្ដិរួមជំនាន់ជាមួយគ្នារៀបចំខួបកំណើតឲ្យនាង នៅពេលចុះថតរឿងមួយក្នុងខេត្តសៀមរាប។ ខណៈថ្ងៃខួបកំណើតពិតប្រាកដរបស់ខ្លួននៅថ្ងៃទី ១៧ ខែ វិច្ឆិកា ខាងមុខនេះ។

“ភ្ញាក់ផ្អើលណាស់អូនទាំងបងនិង កូនត្រូវមិត្តភ័ក្ដិធ្វើខួបកំណើតឲ្យដូចគ្នា និយាយទៅបងនិងកូន(ឈូឈូ) កើតខែដូចគ្នារំលងខួបកំណើតគាត់បានកន្លះខែ ដល់ថ្ងៃខួបកំណើតបងដែរហើយ"។អ្នកនាង សឿន ផានផាភួង បន្ថែម។

ជាចុងក្រោយអ្នកម្ដាយរូបនេះ សូមអរគុណដល់ក្រុមការងារនិងមិត្តភ័ក្ដិសិល្បៈដែលខំចំណាយពេលវេលាដ៏មានតម្លៃ និងថវិការៀបចំថ្ងៃខួបកំណើតឲ្យខ្លួន។ ទោះបីជាមិនទាន់ដល់ថ្ងៃពិតប្រាកដមកដល់តែនាង មានអារម្មណ៍រំភើបចំពោះការចងចាំថ្ងៃកំណើតរបស់ខ្លួនពីមិត្តភ័ក្ដិសិល្បៈ៕