រឿងរ៉ាវគួរដឹងពី ស្ត្រីធ្វើការរោងចក្រ រហូតក្លាយជានាយិកាក្រុមហ៊ុនលំដាប់អន្តរជាតិ(វីដេអូ)

2018-11-02 09:34:35
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកស្រី អាន សុធីតា ជាកូនស្រីពៅក្នុងគ្រួសារ មានបងប្រុស២នាក់ មានម្ដាយជាស្ត្រីមេផ្ទះ និងឪពុកជាមន្ត្រីរាជការ។ បើទោះបីកូនអ្នកភ្នំពេញ ក៏ពិតមែន ប៉ុន្តែជីវភាពគ្រួសារមិនធូរធារដូចអ្នកឯទៀតដែរ។ នៅពេលបញ្ចប់ថ្នាក់វិទ្យាល័យភ្លាម កូនស្រីពៅរូបនេះត្រូវប្រញាប់ប្រញាល់រកការងារតាំងពីអាយុ១៧ឆ្នាំ ដើម្បីជួយទប់ចំណាយគ្រួសារ ហើយការងារដំបូង គឺបុគ្គលិកធ្វើការនៅរោងចក្រមួយកន្លែង។

ការខិតខំធ្វើការអស់រយៈពេលជិត ១០ឆ្នាំ ធីតាមានបំណងបន្តសិក្សា ពង្រឹងចំណេះដឹង និងពង្រីកជំនាញរបស់ខ្លួន លើអាជីពគណនេយ្យករ ព្រោះមានចំណង់ចំណូលចិត្តផ្នែកគណិតវិទ្យា។ ការជ្រើសរើសជំនាញ បុគ្គលិកឆ្នើមរូបនេះ ក៏សម្រេចចិត្តសិក្សានៅវិទ្យាស្ថាន CamEd ដែលផ្ដល់គុណភាពសញ្ញាប័ត្រលំដាប់អន្តរជាតិសម្រាប់គណនេយ្យករ ។

ស្របពេលកំពុងសិក្សាជំនាញខ្លួនពេញចិត្ត ឱកាសការងារថ្មីក៏បានមកដល់ នៅឆ្នាំ២០១០ ធីតាបានចូលបម្រើការងារមានតួនាទីជាគណនេយ្យករនៅក្រុមហ៊ុនលំដាប់អន្តរជាតិប្រចាំកម្ពុជាឈ្មោះថា CBRE ដែលជាក្រុមហ៊ុនផ្ដោតលើការប្រឹក្សាយោបល់ គ្រប់គ្រង វាយតម្លៃ និងភ្នាក់ងារក្នុងវិស័យអចលនទ្រព្យ ស្របពេលវិស័យមួយនេះ ចាប់ផ្ដើមកម្រើកបន្តិចម្ដងៗ។

សហគ្រិនស្ត្រីវ័យ ៣៦ឆ្នាំ រូបនេះ បានរៀបការតាំងវ័យ ២១ឆ្នាំ ហើយសព្វថ្ងៃនេះ មានកូនចំនួន២នាក់។ បច្ចុប្បន្ន អ្នកស្រីគឺនាយិកាគ្រប់គ្រងក្នុងក្រុមហ៊ុន CBRE ជាក្រុមហ៊ុនឈានមុខមួយនៅកម្ពុជា។ ចង់ដឹងរឿងរ៉ាវតស៊ូរបស់សហគ្រិនស្ត្រីឆ្លងកាត់ឧបសគ្គបែបណា សូមទស្សនាវីដេអូលម្អិតខាងក្រោមនេះ៖