មានហើយ! ឱកាសស្វែងយល់ពីទីផ្សារការងារអនាគតយុគបច្ចេកវិទ្យា AI សម្រាប់មនុស្សជំនាន់ថ្មី
- 2018-11-02 10:52:24
- ចំនួនមតិ 0 | ចំនួនចែករំលែក 0
មានហើយ! ឱកាសស្វែងយល់ពីទីផ្សារការងារអនាគតយុគបច្ចេកវិទ្យា AI សម្រាប់មនុស្សជំនាន់ថ្មី
ចន្លោះមិនឃើញ
តើអ្នកដែលគិតថា ទីផ្សារការងារនាពេលអនាគអាចនឹងប្រែប្រួលដែរ ឬ ទេ ទម្រាំតែអ្នកបញ្ចប់ការសិក្សា?
តើអ្នកធ្លាប់ ឮពីលទ្ធភាពដែលមនុស្សយន្ដអាចគិតពិចារណា និងអាចធ្វើកិច្ចការ ដូចមនុស្សបានដែរ ឬ ទេ?
តើអ្នកគិតថា អ្នកត្រៀមខ្លួនរួចរាល់ហើយ ឬនៅសម្រាប់ទីផ្សារការងារ នាពេលអនាគត?
រាល់ចម្លើយទាំងអស់ខាងលើ នឹងត្រូវបានបកស្រាយនៅ ក្នុងកម្មវិធី SPARK.3 ក្រោមប្រធានបទ “អនាគតការងារ ក្នុងយុគសម័យបច្ចេកវិទ្យាឆ្លាតវ័យ " ឬ “Future Career in AI Generation” នៅថ្ងៃអាទិត្យ ទី១១ ឆ្នាំ២០១៨ នៅ មជ្ឈមណ្ឌលសហប្រតិបត្តិការកម្ពុជា-កូរ៉េ (CKCC)។
អ្នកចូលរួមនឹងទទួលបានចំនេះដឹងពីបច្ចកវិទ្យា AI និងរបៀបត្រៀមខ្លួនសម្រាប់ទីផ្សារការងារ ក្នុងសម័យបច្ចេកវិទ្យា AI តាមរយៈការធ្វើបទបង្ហាញ និងកិច្ចពិភាក្សាជជែកវែកញែក ពីសំណាក់វាគ្មិនដែលមានសមត្ថភាពចម្រាញ់ចេញពីការប្រកួតយ៉ាងស្វិតស្វាញ។ ក្រៅពីនេះយើងក៏មានការសម្ដែងសិល្បៈ រួមជាមួយនឹងការចាប់រង្វាន់ទៀតផង។
ពិសេស ! កម្មវិធីនេះក៏បានត្រៀមកាដូសម្ងាត់សម្រាប់អ្នកចូលរួមទាំងអស់ផងដែរ។
ចាប់អារម្មណ៍ ចង់ស្វែងយល់ពីប្រធានបទនេះ អាចកក់សំបុត្រឥលូវនេះបាន សូមចុចទីនេះដើម្បីចុះឈ្មោះ។
ព័ត៌មានបន្ថែមសូមចូលទៅកាន់ទំព័រហ្វេសប៊ុក SPARK.PhnomPenh។
“SPARK.” គឺជាកម្មវិធីចែករំលែកគំនិត តាមការនិយាយជាសាធារណៈ និងការពិភាក្សាតុមូល បង្តើតឡើងដោយក្រុមយុវជន របស់អង្គការមិនរកប្រាក់ចំណូល INSPIRED.Cambodia ដែលមានទស្សនៈវិស័យ ក្នុងការជួយសង្គមតាមរយៈការរៀបចំកម្មវិធី និយាយពិភាក្សាពីប្រធានបទបែបអប់រំ ដើម្បីបង្កើន ការយល់ដឹង និងបញ្ច្រាបតម្រង់ទិស ដល់យុវជនខ្មែរដែលជាគ្រឹះសំខាន់នៃសង្គមជាតិ៕