មកខ្មែរជាលើកដំបូងមែន ប៉ុន្តែ Charlie សរសើរចំណុចមួយពីកម្ពុជាកប់ៗមាត់
- 2018-11-03 04:45:00
- ចំនួនមតិ 0 | ចំនួនចែករំលែក 0
មកខ្មែរជាលើកដំបូងមែន ប៉ុន្តែ Charlie សរសើរចំណុចមួយពីកម្ពុជាកប់ៗមាត់
ចន្លោះមិនឃើញ
កាលពីយប់មិញ ភាគច្រើននៃអ្នកដែលបានទៅចូលរួមព្រឹត្តិការណ៍ប្រគំតន្ត្រីពិតជាជក់ចិត្ត និងចាំទុកក្នុងចិត្តនូវទស្សនីយភាពសម្ដែងផ្ទាល់របស់តារាចម្រៀងអាមេរិកដ៏ល្បី Charlie Puth។ ពិសេសសម្រាប់តារាប្រុសរូបនេះ ក៏កាន់តែរំភើបនឹងការគាំទ្ររបស់អ្នកគាំទ្រទាំងអស់ ក៏ដូចជាបង្ហាញសម្ដីចាក់ដោតមួយចំនួនផង។
ពេលឈរសម្ដែងនៅលើឆាក Charlie Puth តារាប្រុសកើតឆ្នាំ ១៩៩១ បានថ្លែងអារម្មណ៍ចេញពីបេះដូងទៅកាន់អ្នកគាំទ្រថា លោកពិតជារីករាយបំផុតពេលឃើញស្នាមញញឹមរបស់ប្រជាជានកម្ពុជា។ ចាប់តាំងពីធ្វើដំណើរមកដល់អាកាសយានដ្ឋានអន្តរជាតិភ្នំពេញភ្លាម Charlie ចាប់ភ្លឹកនឹងស្នាមញញឹមស្រស់ស្រាយរបស់ប្រជាជនខ្មែរណាស់ ហើយលោកបន្ថែមថា ខ្លួនមិនដែលឃើញស្នាមញញឹមបែបនេះនៅប្រទេសផ្សេងពីមុនមកទេ។ កត្តាទាំងនេះហើយ ទើបជាកម្លាំងជម្រុញបន្ថែមដែលធ្វើឲ្យលោកមានអារម្មណ៍កាន់តែកក់ក្ដៅមួយកម្រិតទៀត។
លើសពីនេះ អ្វីដែលគួរឲ្យចាប់អារម្មណ៍បំផុត មុនពេលច្រៀងបទ "One Call Away” Charlie បានបង្កបរិយាកាសរីករាយមួយទៀត ដោយនិយាយបែបកំប្លែងថា៖ "ខ្ញុំសរសេរបទ One Call Away ពីផ្លែដូងខ្មែរ” រហូតធ្វើឲ្យអ្នកទស្សនាផ្ទាល់ផ្ទុះសំណើចគ្រប់គ្នា៕