អតីតអាជ្ញាកណ្ដាលថា ១គ្រាប់របស់ Mane មិនឲ្យចូល គឺជាការកាត់សេចក្ដីខុសសុទ្ធសាធ
- 2018-11-04 08:01:33
- ចំនួនមតិ 0 | ចំនួនចែករំលែក 0
អតីតអាជ្ញាកណ្ដាលថា ១គ្រាប់របស់ Mane មិនឲ្យចូល គឺជាការកាត់សេចក្ដីខុសសុទ្ធសាធ
ចន្លោះមិនឃើញ
១គ្រាប់របស់ Sadio Mane ស៊ុតទៅលើកាំភ្លើងធំ Arsenal ត្រូវបានអាជ្ញាកណ្តាលខ្សែបន្ទាត់លើកទង់ offside ប៉ុន្តែបាល់នេះគួរតែឲ្យ។
Peter Walton អតីតអាជ្ញាកណ្តាលដែលបានអត្ថាធិប្បាយបាល់ទាត់នៅលើប៉ុស្តិ៍កីឡា BT Sport បាននិយាយថាការកាត់សេចក្តីរបស់អាជ្ញាកណ្តាលខ្សែបន្ទាត់គឺជារឿងមិនត្រឹមត្រូវតាមបច្ចេកទេសឡើយ។
Mane បានឈរតែឯងស៊ុតបំប៉ោងសំណាញ់ទីបានយ៉ាងស្រួលបន្ទាប់ពីបាល់ផ្លាតចេញពីការស៊ុតរបស់ Firmino។
“ពេលបាល់បំប្លោងមក គាត់(Mane) មិនធ្វើចលនាទេ នៅពេលគេស្ថិតនៅទីតាំង offside។ ហើយនេះ (បន្ទាប់ពីបាល់បុករបាទី) គឺជាដំណាក់កាលទីពីរនៃការលេង ប្រាកដណាស់ Mane នៅពីក្រោយបាល់ ហើយកំពុងលេងតំបន់ onside”។ Peter Walton បាននិយាយ។
កាំភ្លើងធំ Arsenal បានបង្កើតឱកាសកាន់តែប្រសើរឡើងហើយអាចវាយបក ដោយការទាត់យ៉ាងល្អពីសំណាក Alexandre Lacazette នៅចុងម៉ោងធ្វើឲ្យលទ្ធផលស្មើ ១-១៕