តំណាងប្រជាជនចិន សម្លឹងឃើញឱកាសអស្ចារ្យនៅខេត្តសៀមរាប នឹងជំរុញឲ្យអ្នកវិនិយោគមកបន្ថែម
- 2018-11-05 03:25:57
- ចំនួនមតិ 0 | ចំនួនចែករំលែក 0
តំណាងប្រជាជនចិន សម្លឹងឃើញឱកាសអស្ចារ្យនៅខេត្តសៀមរាប នឹងជំរុញឲ្យអ្នកវិនិយោគមកបន្ថែម
ចន្លោះមិនឃើញ
ក្នុងដំណើរបំពេញទស្សនកិច្ចនៅប្រាសាទអង្គរវត្ត និងទិដ្ឋភាពនៃខេត្តសៀមរាប ឯកឧត្តម ចាង ឈុនស៊ាន (Zhang Chunxian) អនុប្រធានសភាតំណាងប្រជាជនចិនទូទាំងប្រទេស បានមានប្រសាសន៍នៅខេត្តសៀមរាបនេះ ពិតជាមានសក្តានុពលទេសចរណ៍ច្រើន ដែលធ្វើឱ្យអ្នកទេសចរចង់មកកម្សាន្តមែន ជាពិសេសប្រាសាទបុរាណ ដ៏អស្ចារ្យ និងរមណីយដ្ឋានធម្មជាតិជាច្រើន។ ឯកឧត្តមថា នៅពេលដែលឯកឧត្តមត្រឡប់ទៅដល់ប្រទេសចិនវិញ ឯកឧត្តមនឹងជួយផ្សព្វផ្សាយទៅកាន់ប្រជាជនចិនពី សក្តានុពលទេសចរណ៍ទំាងនេះ និងជំរុញឱ្យពួកគេមកកម្សាន្ត និងធ្វើការវិនិយោគនៅ ខេត្តសៀមរាបនេះឱ្យបានកាន់តែច្រើន។
ឯកឧត្តម ឃឹម ប៊ុនសុង អភិបាលខេត្តសៀមរាបបានបញ្ជាក់ថា ចិនជាប្រទេសមួយដែលបានជួយដល់ខេត្តសៀមរាបច្រើនទាំងផ្នែកការអភិវឌ្ឍនៅក្រុងសៀមរាប និងការជួយជួសជុល ប្រាសាទបុរាណដូចជាប្រាសាទចៅសាយទេវត្តា ប្រាសាទតាកែវ ជាដើម។ ដោយមើលឃើញពីចំណងមិត្តភាពសាមគ្គីភាពនិងកិច្ចសហប្រតិបត្តិការយ៉ាងស្អិតរមួតរវាងសភារដ្ឋាភិបាល ប្រជាជន នៃប្រទេសទាំងពីរ កម្ពុជា-ចិន នេះបានធ្វើឱ្យកំណើនភ្ញៀវទេសចរ មកកម្សាន្តនៅ ខេត្តសៀមរាបមានការកើនឡើងជាបន្តបន្ទាប់។
ក្នុងនោះខេត្តសៀមរាបបានស្រូបភ្ញៀវទេសចរចិនចំនួន ៨៣១៨០១នាក់ ជាចំនួនស្ថិតនៅចំណាត់ថ្នាក់លេខ១ នៃចំនួនភ្ញៀវទេសចរជាតិ និងអន្តរជាតិចូលមកទស្សនាខេត្តសៀមរាបមានចំនួន ៤ ៤៥០ ៧៣៨នាក់ ក្នុងរយៈពេល ០៩ខែ ឆ្នាំ២០១៨នេះ។ នេះជាតួលេខបង្ហើបដោយ អភិបាលខេត្តសៀមរាប។