ផ្លូវការ៖ Floyd ចេញវៃក្រៅប្រទេសលើកដំបូងចុងឆ្នាំនេះ ប៉ះអ្នកប្រដាល់ជប៉ុនវ័យ២០ឆ្នាំ
- 2018-11-05 05:03:29
- ចំនួនមតិ 0 | ចំនួនចែករំលែក 0
ផ្លូវការ៖ Floyd ចេញវៃក្រៅប្រទេសលើកដំបូងចុងឆ្នាំនេះ ប៉ះអ្នកប្រដាល់ជប៉ុនវ័យ២០ឆ្នាំ
ចន្លោះមិនឃើញ
ក្នុងសន្និសីទកាសែតនៅទីក្រុងតូក្យូនៅថ្ងៃនេះ អ្នកប្រដាល់អាមេរិក Floyd Mayweather នឹងត្រូវតទល់ជាមួយអ្នកប្រដាល់សេរី (Kickboxer) ជប៉ុន Tenshin Nasukawa នៅថ្ងៃទី ៣១ ខែ ធ្នូ ឆ្នាំ ២០១៨ នៅក្នុងទីក្រុង Saitama ប្រទេសជប៉ុន។
ពួកគេទាំងពីរអ្នកនឹងប្រកួតក្នុងកម្មវិធី Rizin 14 ចំថ្ងៃឆ្លងឆ្នាំថ្មីតែម្ដង។ សម្រាប់ដំណឹងនេះអាចបញ្ជាក់បានថា នៅចុងឆ្នាំនេះ Floyd មិនមានការប្រកួតជាមួយ McGregor, Khabib Nurmagomedov ឬ Manny Pacquiao ដែលប៉ុនប៉ងជួបគ្នាយូរមកហើយនោះ។
Mayweather វ័យ៤១ឆ្នាំបាននិយាយថា ទម្ងន់និងច្បាប់នឹងត្រូវប្រកាសចុងក្រោយនៅសប្ដាហ៍ខាងមុខ ប៉ុន្តែគេបានបដិសេធមិនប្រាប់ថាការប្រកួតនេះក្រោមលក្ខខណ្ឌប្រដាល់សកល ប្រដាល់សេរី ឬគុនចម្រុះ (MMA) នោះទេ។ Floyd Mayweather គឺជាអ្នកប្រដាល់សកលអាមេរិកប្រកួត៥០ដងមិនដែលចាញ់ ហើយនេះគឺជាលើកដំបូងដែលគេចេញវាយក្រោយប្រទេស។
ចំពោះ Tenshin Nasukawa វិញ ត្បិតមានវ័យទើប២០ឆ្នាំ តែមានបទពិសោធន៍ទាំងវាយសេរី គុនចម្រុះ។ អ្វីដែលពិសេសសម្រាប់ការប្រដាល់សេរីគេឆ្លងកាត់២៧ប្រកួត មិនទាន់ស្គាល់ពាក្យថាចាញ់នោះទេ។