Ronaldo បង្ហើបថាចង់លេងជាមួយអតីតមិត្តរួមក្រុមម្នាក់
- 2018-11-05 13:43:37
- ចំនួនមតិ 0 | ចំនួនចែករំលែក 0
Ronaldo បង្ហើបថាចង់លេងជាមួយអតីតមិត្តរួមក្រុមម្នាក់
ចន្លោះមិនឃើញ
ខ្សែប្រយុទ្ធព័រទុយហ្គាល់កីឡាករ Cristiano Ronaldo បានបង្ហើបឲ្យដឹងថា ខ្លួនអាចនឹងចាប់ដៃគូជាថ្មីជាមួយ អតីតមិត្តរួមក្រុមនៅក្លឹប Manchester Unitedកីឡាករ Wayne Rooney បើសិនជាមានឱកាស។
កីឡាករវ័យ ៣៣ឆ្នាំរូបនេះបានលើកឡើងថា៖ " សម្រាប់ខ្ញុំកម្លាំងដែល Rooney មានគឺ កម្លាំងកាយ និងកម្លាំងស្មារតី។ គេអត់ដែលឈប់ទេ ហើយតែងតែរត់រហូត ដើម្បីជួយក្រុម។ រូបគេអស្ចារ្យណាស់ ស៊ុតចូលគ្រាប់សំខាន់ៗ ជាច្រើន " ។
Ronaldo បានបន្តថា៖ " គេជាក្មេងអង់គ្លេសម្នាក់។ គ្រប់គ្នាស្រលាញ់គេណាស់។ ខ្ញុំនិងមិត្តរួមក្រុម តែងតែហៅ Rooney ថា Pit Bull (ឈ្មោះឆ្កែមួយប្រភេទ)។ គេស៊ុតច្រើនគ្រាប់ណាស់ ហើយខ្ញុំក៏នឹកកាលលេងជាមួយគ្នាដែរ។ ថាមិនត្រូវនៅពេលខាងមុខ យើងប្រហែលលេងជាមួយគ្នាម្ដងទៀត " ។
សូមបញ្ជាក់ផងដែរថា កីឡាករ Cristiano Ronaldo នៅជាប់កុងត្រាជាមួយក្លឹប Juventus រយៈពេល ៤ឆ្នាំ ខណៈកីឡាករ Wayne Rooney ជាប់កុងត្រាជាមួយក្លឹបអាមេរិក DC United រយៈពេល ៣ឆ្នាំ កន្លះ៕