គ្រូ​ម៉ាឡេស៊ី ​បារម្ភ​កីឡាករ​កម្ពុជា​៣​នាក់ ​អាច​បង្ក​គ្រោះថា្នក់ដល់ក្រុមខ្លួន​

  • 2018-11-06 02:35:19
  • ចំនួនមតិ 0 | ចំនួនចែករំលែក 63

ចន្លោះមិនឃើញ

លោក Tan Cheng Hoe ​គ្រូ​បង្វឹក​ក្រុម​ជម្រើស​ជាតិ​ម៉ាឡេស៊ី ​បាន​និយាយ​ថា​លោក​បារម្ភ​ចំពោះ​កីឡាករ​កម្ពុជា​៣​នាក់ អាច​បង្ក​គ្រោះ​ថ្នាក់​ដល់​ក្រុម​របស់​ខ្លួន​បាន ព្រោះ​ពួកគេ​សុទ្ធ​តែ​មាន​សមត្ថភាព​ខ្ពស់។

លោក Tan Cheng Hoe

លោក Tan ​ធ្លាប់​ដឹក​នាំ​ក្រុម​ម៉ាឡេស៊ី ​មក​ប្រកួត​ជាមួយ​ក្រុម​កម្ពុជា​ម្ដង​មក​ហើយ ​ដោយ​គ្រា​នោះ​ជា​ការ​ប្រកួត​មិត្តភាព​អន្តរជាតិ​ប៉ុណ្ណោះ។ នៅ​គ្រា​នោះ ​កម្ពុជា​ក្រោម​ការ​ដឹក​នាំ​របស់​អ្នក​ចាត់ការ Honda ​គឺ​ជា​ប្រកួត​ដំបូង ​ហើយ​ក៏​ទទួល​បាន​លទ្ធផល​មិន​ល្អ​ផង​ដែរ ដោយ​ចាញ់ ១-៣ ​នៅ​ពហុ​កីឡដ្ឋាន​ជាតិ។ ក្រោយ​ចប់​ការ​ប្រកួត​នោះ ​អតីត​គ្រូ​បង្វឹក​របស់​ក្រុម Kedah ​មើល​ឃើញ​កម្រិត​លេង​របស់​កម្ពុជា​ខ្ពស់ ​ត្បិត​ទើប​តែ​បាន​ហ្វឹកហាត់​ជាមួយ​គ្នា​ខ្លី ​និង​ក្រោម​គ្រូ​បង្វឹក​ថ្មី​ក៏​ដោយ។

ធារី ចន្ថាប៊ីន

លោក Tan ​បាន​និយាយ​ទៀត​ថា​ ៖“ប៉ះ​កម្ពុជា​នៅ Suzuki Cup ​ខាង​មុខ នឹង​មិន​ងាយ​ស្រួល​ឡើយ។ ទម្រង់​លេង​ថ្មី​ធ្វើ​ឱ្យ​ក្រុម​កម្ពុជា កាន់​តែ​គ្រោះ​ថ្នាក់ ​ជា​ពិសេស​ពួកគេ​ក៏​មាន​កីឡាករ​លេង​នៅ​លីគ​ម៉ាឡេស៊ី​ផង​ដែរ ដូចជា ធារី ​វឌ្ឍនាកា ​និង​សុខផេង ​ជា​ដើម។ ពួកគេ ​នឹង​ប្រឹងប្រែង​ខ្លាំង​បំផុត ​ក្រោម​ការ​ដឹក​នាំ​របស់​គ្រូ​បង្វឹក​ថ្មី។ ជា​ពិសេស​ទទួល​បាន​កម្លាំង​ចិត្ត​ពី Honda ​ផង​នោះ”។

ចាន់ វឌ្ឍនាកា

ត្បិត​តែ​មាន​ការ​សរសើរ​ពី​សំណាក់​គ្រូ​បង្វឹក​ម៉ាឡេស៊ី​មែន ប៉ុន្តែ​ក្រុម​កម្ពុជា​ក្រោម​ការ​ដឹក​នាំ​របស់​លោក Honda ​៣​ប្រកួត​កន្លង​មក​នេះ ​មិន​ទាន់​ស្គាល់​ជ័យជម្នះ​នៅ​ឡើយ​ទេ។ ដូច្នេះ រង់ចាំ​មើល​ការ​ប្រកួត​បើក​ឆាក Suzuki Cup 2018 ​ខាង​មុខ ប៉ះ​ជាមួយ​ម៉ាឡេស៊ី ​ទៅ​មើល ​ថា​តើ​កម្ពុជា​អាច​សងសឹក ​ក៏​ដូចជា​ទទួល​បាន​ជ័យជម្នះ​ដែរ​ឬ​ទេ? ក្នុង​ពាន​នេះ ​កម្ពុជា ​ស្ថិត​ក្នុង​ពូល​ជាមួយ​ក្រុម​ម៉ាឡេស៊ី វៀតណាម ឡាវ ​និង​មីយ៉ាន់ម៉ា។

កែវ សុខផេង កំពុងដណ្តើមបាល់ក្នុងការប្រកួតមិត្តភាពជាមួយម៉ាឡេស៊ីកន្លងទៅ

ដោយ​ឡែក​​សម្រាប់​អ្នក​គំាទ្រ​ក្រុម​ជម្រើស​ជាតិ​កម្ពុជា ប្រសិន​បើ​ចង់​ទិញ​សំបុត្រ​ចូល​ទស្សនា​គឺ​ងាយ​ស្រួល​ និង​បញ្ចុះ​តម្លៃ​ពិសេស​ដោយ​ទិញ​តាម​ PiPay​ដែល​នឹង​ទទួល​បាន​បញ្ចុះ​តម្លៃ​រហូត​ដល់​៥០​%​ចាប់​ពី​ថ្ងៃ​ផ្សាយ​ដំណឹង​នេះ​រហូត​ដល់​ថ្ងៃ​ទី​៨​ ខែ​វិច្ឆិកា​។

សំបុត្រ​អាច​រក​បាន​តាម

  • Legend Cinema គ្រប់​សាខា​ លើក​លែង​តែ​សាខា​ផ្សារ​ទំនើប​ City Mall
  • មុខ​អគារ​​ PiPay ផ្ទាល់​
  • មុខ​ពហុកីឡដ្ឋាន​ជាតិ​
  • តាម​រម៉ក​ដែក​មាន​ផ្លាក​ PiPay

អត្ថបទ៖ ជាន ចាន់រ៉ា