ទាំងនេះជារឿងហួសចិត្ត និងកម្សត់ៗពីក្មេងរបស់ Charlie Puth កាលនៅរៀន
- 2018-11-06 06:19:08
- ចំនួនមតិ 0 | ចំនួនចែករំលែក 0
ទាំងនេះជារឿងហួសចិត្ត និងកម្សត់ៗពីក្មេងរបស់ Charlie Puth កាលនៅរៀន
ចន្លោះមិនឃើញ
តារាចម្រៀង Charlie Puth ទទួលបានការគាំទ្រខ្លាំងបំផុតនាពេលបច្ចុប្បន្ន ពិសេសនៅរយៈពេលចុងក្រោយនេះ អំឡុងពេលដើរប្រគំតន្ត្រីនៅជុំវិញពិភពលោក។
ដោយសារសមត្ថភាពច្រៀង តែងនិពន្ធបទចម្រៀងរបស់លោក ពិសេសកាយវិការគួរឲ្យស្រឡាញ់ Charlie ត្រូវអ្នកគាំទ្រជាច្រើនពេញចិត្តច្រើនឡើងៗ។ ប៉ុន្តែបើងាកទៅកាលពីកុមារ តារាប្រុសរូបនេះក៏ឆ្លងកាត់ភាពជាក្មេងខិលរប៉ិលរប៉ូចម្នាក់ដែរ។ នេះបើតាមការបង្ហាញរបស់ ទំព័រហ្វេសប៊ុក Charlie Puth Cambodia។
រឿងទី ១៖
កាលនៅរៀន Charlie បានទៅលួចកណ្ដឹងរោទិ៍ចូលរៀននៅសាលា។ ដោយសាររពឹសពេក ក្មេងតូចនេះក៏បានធ្វើឲ្យកណ្ដឹងនោះ រោទិ៍មុនម៉ោង រហូតបង្កការភ្ញាក់ផ្អើលពេញសាលា។ គ្រូៗទាងអស់ពិតជាមានការខឹងសម្បារជាខ្លាំង រហូតរកមុខអ្នកប្រព្រឹត្តិ ទើបចុងក្រោយដឹងថាជាស្នាដៃរបស់ Charlie។ ដោយសារវាជាកំហុសមិនអាចលើកលែង ទើបក្មេងតូចរពឹសនេះ រងពិន័យដោយត្រូវគ្រូឲ្យឈរ។
រឿងទី ២៖
និយាយពីមុខវិជ្ជាវិញ លោកអន់ខាងគីមី ដូចនេះពេលប្រឡង ក៏បានធ្លាក់។ គ្រូគីមីស្អប់លោកណាស់ ស្របពេលលោកក៏ស្អប់គ្រូគីមីដែរ។ អ្វីដែលកាន់តែហួសចិត្ត ដោយសារដឹងទម្លាប់គ្រូគីមី ថាឲ្យតែពេលប្រឡង តែងយកវិញ្ញាសាចាស់ៗពីឆ្នាំមុនៗ ទើបលោកព្យាយាមរកចម្លើយទាំងនោះ ហើយសរសេរជាបទភ្លេងតែម្ដង។ ដោយសារភាពឆ្លាតវៃបែបនេះហើយ ទើបចាប់តាំងពីពេលនោះមក Charlie តែងប្រឡងជាប់មុខវិជ្ជានេះជានិច្ច។
ដោយឡែក បើតាមការឲ្យដឹងពី Wikipedia បានបញ្ជាក់ថា Charlie ត្រូវក្មេងនៅសាលាធ្វើបាបឥតល្ហែ។ លោកនិយាយថា៖ "ពួកគេព្រួតគ្នាជាក្រុម មកធ្វើបាបខ្ញុំខ្លាំងណាស់ ហើយពួកគេតែងទាត់ធាក់ខ្ញុំនៅនឹងកន្លែងរហូត"៕
ប្រភព៖ ទំព័រហ្វេសប៊ុក Charlie Puth Cambodia