ក្ដៅ! បញ្ជីឈ្មោះកីឡាករជម្រើសជាតិកម្ពុជាសម្រាប់ការប្រកួត Suzuki Cup ត្រូវបានបង្ហាញហើយ

2018-11-06 12:53:11
ចំនួនមតិ 0 | ចំនួនចែករំលែក 0

ចន្លោះមិនឃើញ

អម្បាញ់មិញនេះ សហព័ន្ធបាល់ទាត់កម្ពុជា បានបង្ហាញអំពីបញ្ជីឈ្មោះកីឡាករ ២៣ រូប សម្រាប់ការប្រកួត AFF Suzuki Cup ២០១៨។

ប្រភពបញ្ជីឈ្មោះ សហព័ន្ធបាល់ទាត់កម្ពុជា

កីឡាករដែលមានឈ្មោះក្នុងបញ្ជីរួមមាន៖ វិចិត្រ, សុខសិលា, វណ្ណសាក់, មុនីឧត្ដម, វឌ្ឈនាកា, រ៉ស៊ីប, ផេង, ពិសិដ្ឋ, ឈឿន, សុកុម្ភៈ, ម៉េង, ដានី, ចាន់ប៉ូលីន ធីរា កក្កដា ឌីណា គ្រីយ៉ា សុខផេង សុធារដ្ឋ វិសាល ចន្ថាធារី ប៊ុនហៀង និងស៊ូហាណា។

សូមបញ្ជាក់ផងដែរថា កម្ពុជានឹងត្រូវប៉ះជាមួយម៉ាឡេស៊ីក្នុងកម្មវិធីខាងលើ នៅថ្ងៃទី ៨ វិច្ឆិកាខាងមុខ វេលាម៉ោង ៦:៣០ ល្ងាច។

ដោយឡែក សម្រាប់អ្នកគាំទ្រជម្រើសជាតិកម្ពុជា ប្រសិនបើចង់ទិញសំបុត្រ អាចទិញបានតាមរយៈ Pi Pay ដោយពួកគេនឹងទទួលបានការបញ្ចុះតម្លៃ៥០% នៃតម្លៃសំបុត្រចាប់ពីថ្ងៃនេះ រហូតដល់ថ្ងៃទី ៨ ខាងមុខ។ សំបុត្រអាចរកបាននៅ៖

· Legend Cinema គ្រប់សាខា លើកលែងសាខាផ្សារទំនើប City Mall

· មុខអគារ Pi Pay ផ្ទាល់

· មុខពហុកីឡាដ្ឋានអូឡាំពិក

· តាមរម៉កដែលមានផ្លាក Pi Pay ៕

អត្ថបទ៖ ហ៊ីម រស្មី