ថៃ អាចនឹងទទួលស្គាល់ អ្នកស្រលាញ់ភេទដូចគ្នាស្របច្បាប់ នៅចុងឆ្នាំ២០១៨នេះ
- 2018-11-07 02:20:16
- ចំនួនមតិ 0 | ចំនួនចែករំលែក 0
ថៃ អាចនឹងទទួលស្គាល់ អ្នកស្រលាញ់ភេទដូចគ្នាស្របច្បាប់ នៅចុងឆ្នាំ២០១៨នេះ
ចន្លោះមិនឃើញ
ប្រទេសថៃ អាចនឹងទទួលស្គាល់អ្នកស្រលាញ់ភេទដូចគ្នាជាផ្លូវការ នៅចុងឆ្នាំ២០១៨ ខាងមុខនេះ។ គណៈរដ្ឋមន្ត្រីថៃ កំពុងរៀបចំសវនាការជាសាធារណៈ ចំពោះអ្នកស្រលាញ់ភេទដូចគ្នានៅចុងខែនេះ ហើយអាចនឹងអនុម័តច្បាប់មុនដាច់ឆ្នាំ២០១៨ ដោយទទួលស្គាល់ពួកគេដោយស្របច្បាប់តែម្ដង។
កាលពីថ្ងៃច័ន្ទ នាយកដ្ឋានការពារសិទ្ធិ និងសេរីភាព ហៅកាត់ថា RLPD បានប្រកាសថា ការបោះឆ្នោតតាមអ៊ីនធឺណិតកំពុងដំណើរការរួចហើយ ខណៈការពិគ្រោះយោបល់ជាសាធារណៈលើបញ្ហានេះ នឹងប្រព្រឹត្តទៅនៅថ្ងៃទី ១២ ដល់ ១៦ ខែវិច្ឆិកា នៅទីក្រុងបាងកក, ឈៀងម៉ៃ, អយុធ្យា និង សុងក្លា។
លោក Kerdchoke Kasemwongjit អគ្គនាយករងនៃនាយកដ្ឋាន RLPD បាននិយាយថា លោកចង់ស្ដាប់យោបល់របស់ប្រជាពលរដ្ឋមុននឹងបញ្ចប់ និងបង្ហាញសេចក្ដីព្រាងច្បាប់ចំនួន៧០ផ្នែក ទៅឲ្យគណៈរដ្ឋមន្ត្រីនៅចុងខែនេះ។
សេចក្ដីព្រាងច្បាប់ «Life Partnership Bill» ដែលបានព្រាងទុកដំបូងនៅក្នុងឆ្នាំ២០១៣ មានគោលបំណងផ្ដល់ឲ្យអ្នកស្រលាញ់ភេទដូចគ្នា មានសិទ្ធជាងមុនក្នុងការរៀបចំផែនការគ្រួសារ ស្មើនឹង ៩០% នៃប្ដីប្រពន្ធដែលរៀបការធម្មតា។ ទោះជាយ៉ាងណា លោក Kerdchoke បានបន្ថែមថា ពាក្យផ្លូវការសម្រាប់អ្នកស្រលាញ់ភេទដូចគ្នា នឹងនៅតែជា "ដៃគូ" មិនមែន "អាពាហ៍ពិពាហ៍" ឡើយ៕
ចុចអាន៖