លោក Bill Gates យកលាមកស្រស់បង្ហាញលើឆាក ដើម្បីណែនាំពីបង្គន់អនាគតមិនប្រើទឹក

2018-11-07 03:55:27
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Bill Gates បានធ្វើឲ្យអ្នកដែលចូលរួមក្នុងកម្មវិធី Reinvented Toilet Expo នៅទីក្រុងប៉េកាំង ស្រឡាំងកាំងជាខ្លាំង ពេលលោកយកលាមកមនុស្សមួយកំប៉ុងមកបង្ហាញលើឆាក។

ការយកលាមកមកបង្ហាញលើឆាកនេះគឺដើម្បីនិយាយអំពីផលប៉ះពាល់នៃការបន្ទោបង់ពាសវាលពាសកាលក្នុងប្រទេសក្រីក្រមួយចំនួន ហើយមហាសេដ្ឋីរូបនេះក៏បានបង្ហាញពីបង្គន់អនាគតដែលអាចដោះស្រាយបញ្ហានេះបានផងដែរ។

បង្គន់អនាគតដែលលោក Bill Gates បានយកមកបង្ហាញក្នុងកម្មវិធី មានលក្ខណៈសម្បត្តិពិសេសជាងបង្គន់ធម្មតា ដោយវាមិនត្រូវការទឹក ឬ ប្រព័ន្ធលូនោះទេ។ បង្គន់ប្រភេទនេះអាចទទួលយកទាំងកាកសំណល់រឹង និងរាវ ដោយចម្រាញ់កាកសំណល់តាមរបៀបគីមី ដោយភាគច្រើនគឺតាមរយៈការដុតបំផ្លាញ។ បង្គន់អនាគតមានរូបរាងជាច្រើនសណ្ឋាន ប៉ុន្តែសុទ្ធតែមានសមត្ថភាពអាចបំបែកកាកសំណល់រឹង និងរាវចេញពីគ្នាបាន។

គួរដឹងថាដើម្បីបង្កើតបង្គន់អនាគតទាំងនេះឡើង មូលនិធិ Bill & Melinda Gates Foundation ដែលបង្កើតដោយលោក Bill Gates បានប្រើចំណាយពេល ៧ ឆ្នាំ និងបានបរិច្ចាគទឹកប្រាក់ ២០០ លានដុល្លារ ដល់ក្រុមអ្នកស្រាវជ្រាវក្នុងការបង្កើតឡើង៕

ចុចអាន៖

ប្រភព៖ BBC ប្រែសម្រួល៖ សុខហេង