គ្រូម៉ាឡេស៊ីមិនបានចាត់ទុកកម្ពុជាជាឧបសគ្គធំក្នុងការប្រជែងពាន Suzuki Cup ទេ

2018-11-07 07:09:55
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Tan Cheng Hoe គ្រូបង្វឹកក្រុមជម្រើសជាតិម៉ាឡេស៊ីបានចាត់ទុកប្រទេសវៀតណាម និង មីយ៉ាន់ម៉ា ជាឧបសគ្គធំក្នុងការប្រជែងពាន AFF Suzuki Cup 2018។

លោក Tan Cheng Hoe

ក្រុមគោព្រៃកម្ពុជា នឹងទទួលក្រុមខ្លាំង ម៉ាឡេស៊ី នៅវេលាម៉ោង ៦:៣០ នាទីស្អែកនេះនៅពហុកីឡដ្ឋានជាតិដែលជាប្រកួតបើកឆាកក្នុងពូល A នៃព្រឹត្តិការណ៍ខាងលើ។ ក្នុងសន្និសីទកាសែតមុននេះគ្រូម៉ាឡេស៊ីបាននិយាយថា «ប្រទេសមីយ៉ាន់ម៉ា និងវៀតណាមធ្វើបានល្អក្នុងពាននេះកាលឆ្នាំ២០១៦ ដូច្នេះពីរក្រុមនេះជាគូប្រជែងធំរបស់ខ្ញុំ»។

លោកបញ្ជាក់បន្ថែមថា ការជួបកម្ពុជាស្អែកនេះលោកយល់ថា កម្ពុជា នឹងធ្វើបានល្អ ពីព្រោះការប្រកួតកៀកកម្មវិធីបុណ្យជាតិ ៩ វិច្ឆិកា (បុណ្យឯករាជ្យជាតិ)។ សម្រាប់ក្រុមរបស់លោកវិញក៏បាននាំយកកីឡាករល្អៗបំផុតមកជាមួយ ហើយពិសេសលោកមានកីឡាករថ្មីល្អខុសពីការប្រកួតដែលយកឈ្នះកម្ពុជាលើកមុនរហូតដល់១០នាក់ឯនោះ។

ជំនួបចុងក្រោយរបស់កម្ពុជា និងម៉ាឡេស៊ីចុងកាលខែកញ្ញា គឺកម្ពុជា ចាញ់ ៣-១ នៅពហុកីឡដ្ឋានជាតិដូចគ្នា ហើយពេលនោះត្រូវបានគេចាំថា Honda ដែលជាអ្នកចាត់ការបានមកដឹកនាំ និងបង្វឹកកូនក្រុមដោយផ្ទាល់ ដែលខុសពីលើកនេះគឺអ្នកចាត់ការ Honda មិនបានមកកម្ពុជាឡើយ៕

ដោយឡែក សម្រាប់អ្នកគាំទ្រជម្រើសជាតិកម្ពុជា ប្រសិនបើចង់ទិញសំបុត្រ អាចទិញបានតាមរយៈ Pi Pay ដោយពួកគេនឹងទទួលបានការបញ្ចុះតម្លៃ៥០% នៃតម្លៃសំបុត្រចាប់ពីថ្ងៃនេះ រហូតដល់ថ្ងៃទី ៨ ខាងមុខ។

សំបុត្រអាចរកបាននៅ