គ្រូកម្ពុជាប្រាប់កូនក្រុមឲ្យខំលេងល្អពេញ៩០នាទី

2018-11-08 00:32:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមគោព្រៃកម្ពុជា នឹងលេងទល់ក្រុមម៉ាឡេស៊ីវេលាម៉ោង ៦:៣០ នាទីល្ងាចនេះក្នុងជំនួបដំបូងក្នុងពូល A នៃព្រឹត្តិការណ៍ AFF Suzuki Cup 2018 នៅពហុកីឡដ្ឋានជាតិ។

លោក Felix

កាលជំនួបក្រុមទាំងពីរកាលពីខែកញ្ញា កម្ពុជា ហាក់លេងមិនបានល្អ ៩០នាទីពេញឡើយ ដោយធ្វើបានល្អត្រឹមវគ្គទី១ប៉ុណ្ណោះ។ ទាក់ទងការប្រកួតនេះវិញលោក Felix Agustin Gonzalez Dalmas គ្រូបង្វឹករបស់ក្រុមកម្ពុជាបានឲ្យដឹងថា ទោះជាយ៉ាងណាកូនក្រុមរបស់លោក នឹងលេងដោយស្មារតីក្រុមតាំងពីរនាទីទី១ រហូតដល់នាទីទី៩០។ មែនទែនទៅសម្រាប់ការប្រមូលផ្ដុំលើកនេះក្រុមរបស់លោកអាចប្រមូលផ្ដុំបានច្រើនថ្ងៃ ដូច្នេះលោកគិតថា នឹងអាចល្អជាងលើកមុន។

លោកបន្ថែមថា ម៉ាឡេស៊ីជាក្រុមប្រជែងជើងឯកពាននេះ ដូច្នេះមិនមែនជារឿងងាយស្រួលលេងទល់ម៉ាឡេស៊ីឡើយ។ កូនក្រុមរបស់លោកបានយល់ចិត្តគ្នាល្អប្រសើរជាងលើកមុន បន្ទាប់ពីបានប្រមូលផ្ដុំច្រើនថ្ងៃ។

Tan Cheng Hoe

ចំណែកលោក Tan Cheng Hoe គ្រូបង្វឹកក្រុមជម្រើសជាតិម៉ាឡេស៊ីបានលើកឡើងដែរថា លោកមកទីនេះដើម្បីយកលទ្ធផលល្អមួយត្រឡប់ទៅវិញ ដូច្នេះលោកបានកោះហៅកីឡាករល្អៗបំផុតរបស់ខ្លួនមកលេងទល់កម្ពុជា។ ទោះយ៉ាងណាលោកក៏មានចំណុចព្រួយបារម្ភខ្លះដែរ ពីព្រោះកម្ពុជា នឹងប្រឹងប្រែងលេងខ្លាំង ដោយសារការប្រកួតកៀកថ្ងៃបុណ្យឯករាជ្យជាតិ។

គ្រូម៉ាឡេស៊ីរូបនេះក៏មិនបានចាត់ទុកកម្ពុជា ជាឧបសគ្គរបស់ខ្លួនដែរ ដោយលោកមើលឃើញវៀតណាម និងមីយ៉ាន់ម៉ា ជាដៃគូប្រជែងធំក្នុងពាននេះ ក្រោមហេតុផលយល់ថា ពីរក្រុមនេះធ្វើបានល្អកាលឆ្នាំ២០១៦។

កាលប៉ះគ្នាកាលពីខែកញ្ញា កម្ពុជា ចាញ់ម៉ាឡេស៊ី ៣-១ ម្ដងហើយ ដែលកាលនោះជាការប្រកួតមិត្តភាពអន្តរជាតិ ហើយជាការប្រកួតដំបូងរបស់កម្ពុជាស្ថិតក្រោមការដឹកនាំផ្ទាល់របស់ Honda ផងដែរ៕

សំបុត្រអាចរកបាននៅ