កាច់កុង Apple យ៉ាងចាស់ដៃ Xiaomi ដាក់លក់កាសឥតខ្សែ AirDots តម្លៃត្រឹម ៣០ ដុល្លារ
- 2018-11-07 11:54:36
- ចំនួនមតិ 0 | ចំនួនចែករំលែក 0
កាច់កុង Apple យ៉ាងចាស់ដៃ Xiaomi ដាក់លក់កាសឥតខ្សែ AirDots តម្លៃត្រឹម ៣០ ដុល្លារ
ចន្លោះមិនឃើញ
Xiaomi ដែលត្រូវបានគេស្គាល់ជាស្លាកយីហោលក់គ្រឿងបរិក្ខារនិងស្មាតហ្វូនតម្លៃទាប បានបន្តចេញផ្សាយនូវកាសឥតខ្សែម៉ូឌែលថ្មី យកលំនាំតាមកាស AirPods របស់ Apple។
ចំណុចពិសេសត្រង់តម្លៃដោយដាក់លក់ត្រឹម ១៩៩ យ័ន្តឬ ៣០ ដុល្លារ បើកឲ្យកុម្ម៉ង់ទិញចាប់ពីពេលនេះតទៅក្នុងទីផ្សារប្រទេសចិន។ មុខងារពិសេសមិនខុសពីកាសតម្លៃ ១៥៩ ដុល្លារ ទាក់ទងនឹងការបញ្ជា Tappable Control បន្សំប្រអប់សម្រាប់សាករាងតូចច្រឡឹង ខណៈតួកាសរចនាឡើងដោយជ័រស៊ីលីកូនអាចផ្ដល់ជូនគុណភាពសំឡេងយ៉ាងប្រសើរ ជាមួយការគាំទ្រ Bluetooth 5.0។
យ៉ាងណាមិញតាមការតេស្តផ្ទាល់ពីអ្នកជំនាញនៃគេហទំព័រ TheVerge បានវាយតម្លៃថាប្រភេទកាសនេះ មិនអាចប្រៀបផ្ទឹមនឹងកាស O-Free របស់ Oppo ដែលមានតម្លៃ ១០០ ដុល្លារបានឡើយ ពោលគឺកាស Earbuds នោះអាចផ្តល់បទពិសោធន៍ប្រហែល AirPods ទៅហើយ។ សញ្ញាល្អនៃការចេញលក់ AirDots ត្រង់ថាវាអាចនឹងក្លាយជាក្តីសង្ឃឹមសម្រាប់ស្មាតហ្វូន Xiaomi ជំនាន់ក្រោយ ពោលគឺរំពឹងនឹងភ្ជាប់កាសឥតខ្សែធូរថ្លៃមួយនេះមកក្នុងប្រអប់ជាមួយតែម្តង។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ហ្វេនពេញចិត្តស្តូក ពេលជួបតារាក្នុងដួងចិត្ត ហើយបានតេស្ត OPPO Find X Lamborghini ទៀត
ការស្រាវជ្រាវ៖ "ប្រជាជនកម្ពុជា ៧% គ្មានទូរសព្ទប្រើ តែមានស៊ីមកាត Activate ហើយ"