Wenger ឆ្លើយតបនឹងពាក្យចចាមអារ៉ាមដែលថារូបខ្លួននឹងដឹកនាំ AC Milan
- 2018-11-07 13:34:57
- ចំនួនមតិ 0 | ចំនួនចែករំលែក 0
Wenger ឆ្លើយតបនឹងពាក្យចចាមអារ៉ាមដែលថារូបខ្លួននឹងដឹកនាំ AC Milan
ចន្លោះមិនឃើញ
អតីតអ្នកចាត់ការក្លឹប Arsenal លោក Arsene Wenger បានច្រានចោលនឹងពាក្យចចាមអារ៉ាមដែលចុះផ្សាយដោយ France Football ថាលោកនឹងទៅដឹកនាំក្លឹបអ៊ីតាលី AC Milan ជំនួស Gennaro Gattuso។
Wenger បាននិយាយក្នុង beIN Sportsថា៖ " វាជាព័ត៌មានក្លែងក្លាយ។ វាប្រឌិតទាំងស្រុង បើខ្ញុំចុះកុងត្រាទៅដឹកនាំក្លឹបណាមួយ ខ្ញុំនឹងប្រាប់ហើយ " ។
លោកបានបន្តថា៖ " ខ្ញុំមិនអាចម្ចាស់ការលើពាក្យចចាមអារ៉ាមទាំងអស់នោះទេ តែខ្ញុំអាចគ្រប់គ្រងលើអ្វីដែលខ្ញុំធ្វើក្នុងជីវិត " ។
កាលពីពេលថ្មីៗនេះ លោក Arsene Wenger បានប្រកាសថាខ្លួននឹងវិលចូលពិភពបាល់ទាត់វិញ ស្រាប់តែមិនបានប៉ុន្មានផង មានរបាយការណ៍ពី France Football ថាលោកត្រូវបានតែងតាំងធ្វើជាអ្នកចាត់ការក្លឹបអ៊ីតាលី AC Milan៕