កាន់តែច្បាស់! Matt Peranee ចេញមុខទម្លាយអស់ពីចិត្តពីទំនាក់ទំនងជាមួយ Songkarn ហើយ
- 2018-11-08 01:38:37
- ចំនួនមតិ 0 | ចំនួនចែករំលែក 0
កាន់តែច្បាស់! Matt Peranee ចេញមុខទម្លាយអស់ពីចិត្តពីទំនាក់ទំនងជាមួយ Songkarn ហើយ
ចន្លោះមិនឃើញ
ដំណឹងស្នេហារបស់តារាប្រុសស្រីថៃ ២រូបគឺ Songkarn Taechanarong និង Matt Peranee បានធ្វើឲ្យមជ្ឈដ្ឋានទូទៅក្នុងប្រទេសថៃផ្ដោតការយកចិត្តទុកដាក់ជាខ្លាំងនៅប៉ុន្មានថ្ងៃចុងក្រោយនេះ។
ដោយឡែកនៅថ្ងៃទី ០៧ ខែវិច្ឆិកា ឆ្នាំ២០១៨ម្សិលមិញនេះ Matt បានចូលរួមកម្មវិធីរបស់ The Market Bangkok ហើយក៏បានផ្ដល់បទសម្ភាស ដោយបានជម្រះមន្ទិលសង្ស័យរបស់មហាជនទាក់ទងនឹងព័ត៌មានចុងក្រោយនេះ។
តារាស្រីរូបនេះ ទទួលស្គាល់ថា នាងពិតជាមិនស្គាល់ Songkarn ច្បាស់ទេ កាលពីនាងផ្ដល់បទសម្ភាសមួយជាមួយក្រុមអ្នកសារព័ត៌មានកាលពី ៣ខែមុន។ ប៉ុន្តែបច្ចុប្បន្ន នាងបានចាប់ផ្ដើមនិយាយលេងជាមួយ Songkarn ជាលក្ខណៈឯកជន គ្រាន់តែថាពួកគេមិនទាន់ក្លាយជាគូស្នេហ៍ចេញមុខចេញមាត់ផ្លូវការនៅឡើយទេ។ ក្នុងនោះនាងមិនដែលសួរនាំរឿងលែងលះពីភរិយាមុនដែរ ហើយសម្រាប់អតីតសង្សាររបស់នាងវិញ នាងបានចែកផ្លូវតាំងពីមិនទាន់ស្គាល់ Songkarn ទៅទៀត។ និយាយជារួម វាមិនជាប់ពាក់ព័ន្ធនឹងបញ្ហាជនទី ៣អ្វីឡើយ។ ទំនាក់ទំនងពួកគេចាប់ផ្ដើមឡើង ស្របពេលអ្នកទាំង ២ឧស្សាហ៍ជួបគ្នានៅក្លឹបហាត់ប្រាណ ពោលគឺវាដូចអ្វីដែល Songkarn ធ្លាប់បានបង្ហាញប្រាប់អ្នកសារព័ត៌មានដែរ។
Matt នៅបញ្ជាក់ទៀតថា នាងបានប្រាប់ពីទំនាក់ទំនងនេះ ដល់មិត្តភ័ក្ដិរបស់ខ្លួនដែលមិនមែនជាអ្នកសិល្បៈ ប៉ុន្តែនាងមិនបានទម្លាយរឿងនេះដល់ Mint Chalida, Taew Natapohn, Mew Nittha និង Toey Jarinporn ឡើយ៕