ទីបំផុត Selena ចាកចេញពីមណ្ឌលព្យាបាលជំងឺផ្លូវចិត្ត បច្ចុប្បន្នកំពុងសម្ងំលាក់ខ្លួន
- 2018-11-08 03:51:30
- ចំនួនមតិ 0 | ចំនួនចែករំលែក 0
ទីបំផុត Selena ចាកចេញពីមណ្ឌលព្យាបាលជំងឺផ្លូវចិត្ត បច្ចុប្បន្នកំពុងសម្ងំលាក់ខ្លួន
ចន្លោះមិនឃើញ
តារាចម្រៀង Selena Gomez ទីបំផុត បានចាកចេញពីមណ្ឌលព្យាបាលជំងឺផ្លូវចិត្តរបស់នាងហើយ ក្រោយទទួលរងការប៉ះទង្គិចសម្ពាធផ្លូវចិត្តធ្ងន់ធ្ងរ។
កាលពីថ្ងៃពុធកន្លងទៅនេះ តាមសារព័ត៌មាន TMZ បានឲ្យដឹងថា តារាចម្រៀង Selena Gomez បានចាកចេញពីមណ្ឌលព្យាបាលផ្លូវចិត្តហើយ បច្ចុប្បន្ននាងកំពុងតែសម្ងំលាក់ខ្លួនពីបរិយាកាសខាងក្រៅ និងភ្នែកសាធារណជន ដើម្បីឲ្យអារម្មណ៍ និងជំងឺរបស់នាងកាន់តែប្រសើរជាងមុនសិន។
គួររម្លឹកដែរថា អតីតមិត្តស្រីរបស់តារាចម្រៀង Justin Bieber រូបនេះ ត្រូវបានសម្រាកក្នុងមណ្ឌលព្យាបាលជំងឺផ្លូវចិត្តអស់រយៈពេល ១ ខែ ក្រោយរូបនាងត្រូវបានបញ្ជូនទៅទីនោះកាលពីដើមខែតុលាកន្លងទៅ។ មុនពេលបញ្ជូនទៅមណ្ឌលព្យាបាលជំងឺផ្លូវចិត្ត តារាស្រីរូបនេះ ត្រូវបានបញ្ជូនទៅមន្ទីរពេទ្យជាលើកទី២ នៅពេលគ្រាប់ឈាមក្រហមបានធ្លាក់ចុះដោយការវះកាត់ក្រលៀន នាងត្រូវបានឲ្យដឹងថា កើតមានជំងឺស្លន់ស្លោ នៅពេលនាងទាមទារទៅផ្ទះវិញ ដោយបានប្រវេប្រវាបោចខ្សែសេរ៉ូមពីដៃនាងចេញអស់នោះ៕