អានត្រួសៗមើល! អុំទូកឆ្នាំនេះ មានកម្មវិធីពិសេសអីខ្លះគួរឲ្យចង់ចូលរួមជាមួយ ខ្មែរ ប៊ែវើរីជីស

2018-11-08 09:00:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារៀងរាល់ឆ្នាំក្រុមហ៊ុន ខ្មែរ ប៊ែវើរីជីស(Khmer Beverages) តែងតែរៀបចំកម្មវិធីផ្សេងៗដើម្បីទទួល និងឧបត្ថម្ភដល់កីឡាករទូកងកម្ពុជា និងផ្ដល់ការកម្សាន្តដល់ភ្ញៀវជាតិ និងអន្តរជាតិ ដែលមកចូលរួមទស្សនាព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ក្នុងរាជធានីភ្នំពេញ។

ដោយឡែកសម្រាប់ពិធីបុណ្យអុំទូកឆ្នាំ ២០១៨ នេះ លោក លាង ពៅ (ភីធើរ) អគ្គនាយកក្រុមហ៊ុន រៀបរាប់ពីកម្មវិធីដែលក្រុមហ៊ុនបម្រុងនឹងរៀបចំដូចជា៖

ទី១ - ក្រុមហ៊ុន នឹងបន្តឧបត្ថម្ភកីឡាករទូកងដូចរាល់ឆ្នាំនូវ ភេសជ្ជៈចំនួន ៦៥០០ កេស (ទឹកសុទ្ធកម្ពុជា ទឹកផ្លែឈើជូប ស្រាបៀរគូដូ និងភេសជ្ជៈប៉ូវកម្លាំងវើក) ទៅដល់កីឡាករទូកងចំនួន១០០ ដើម្បីជួយសម្រួលដល់ការស្នាក់នៅរបស់កីឡាករទូកងក្នុងពេលប្រកួត និងសម្រាប់ការអបអរសប្បាយជុំគ្នាក្រោយពេលសំរាកពីការប្រណាំង។

ទី២ – ក្រុមហ៊ុននឹងប្រើប្រាស់រថយន្តសម្អាតមកធ្វើការបោសសម្អាតផ្លូវសំខាន់ៗ និងពង្រាយធុងសំរាមប្រមាណ ២៥០ ធុង នៅជុំវិញទីតាំងធ្វើកម្មវិធី។

ទី៣- ការតាំងពិព័រណ៍ផលិតផលភេសជ្ជៈក្រុមហ៊ុន ខ្មែរ ប៊ែវើរីជីស លំដាប់ស្តង់ដារនៅក្នុងបរិយាកាសប្លែកភ្នែកជាមួយការតុបតែងលម្អបែបប្រណិតទៅតាមប្រភេទភេសជ្ជៈនីមួយៗនៅក្នុងស្តង់យក្សធំៗ ចំនួន ៦។ ស្តង់នីមួយៗមានកម្ពស់ និងអង្កត់ផ្ចិតប្រវែងរហូតដល់ ១៥ ម៉ែត្រ ឯណោះ នៅលើទីធ្លាមុខសាលមហោស្រពកោះពេជ្ររយៈពេល ៣ ថ្ងៃ ចាប់ពីថ្ងៃទី ២១ រហូតដល់ថ្ងៃទី ២៣ ខែវិច្ឆិកា ឆ្នាំ២០១៨។ ក្នុងនោះ ក៏មានការបន្ថែមជូនកាដូជាច្រើន និងតម្លៃពិសេសលើការទិញភេសជ្ជៈទាំងអស់ បូកផ្សំនឹងសកម្មភាពកម្សាន្តផ្សេងៗសម្រាប់អ្នកចូលរួមទស្សនាចាប់ពីម៉ោង ១០ ព្រឹករហូតដល់ពាក់កណ្ដាលអធ្រាត។

ទី៤ – សម្រាប់ពេលរាត្រីចាប់ពីម៉ោង ៧ ល្ងាចតទៅ នឹងរៀបចំការប្រគំតន្ត្រីដែលមានការចូលរួមសម្ដែងជូនទាំងសិល្បៈបុរាណ និងសម័យក្នុងទម្រង់ផ្សេងៗគ្នាដើម្បីបង្កើតបរិយាកាសឲ្យកាន់តែសប្បាយរីករាយ និងអធិកអធមដល់កីឡាករទូកង និងភ្ញៀវទាំងអស់ដែលអាចចូលរួមរាំលេងកម្សាន្តជាមួយសិល្បករ និងតារាចម្រៀងល្បីៗ។ ការប្រគំតន្ត្រីនេះក៏នឹងមានការផ្សាយផ្ទាល់នៅលើកញ្ចក់ទូរទស្សន៍បាយ័នផងដែរ។

[Slide]

ខ្មែរ ប៊ែវើរីជីស (Khmer Beverages) ជាក្រុមហ៊ុនវិនិយោគដោយកូនខ្មែរ ១០០% ហើយក៏ជាក្រុមហ៊ុនបុត្រសម្ព័ន្ធក្រុមហ៊ុន ជីប ម៉ុង ដោយផលិតស្រាបៀរកម្ពុជា ស្រាបៀរស្តោត (Barrley Black) ស្រាបៀរកម្ពុជា (Cambodia Beer) ស្រាបៀរគូដូ (Kudo) ទឹកក្រូច អាយស៍ (IZE) ទឹកផ្លែឈើជូប (Joop) ភេសជ្ជៈប៉ូវកម្លាំងវើក (Wurkz) និងទឹកសុទ្ធកម្ពុជា (Cambodia Water)៕