គម្រោងមួយផ្តល់អាហារូបករណ៍១២កន្លែងដល់យុវជននៅខេត្តបី បណ្តុះបណ្តាលជំនាញផលិតភាពយន្តឯកសារ

2018-11-08 09:17:12
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីមួយនឹងផ្តល់អាហារូបរណ៍ដល់សិក្ខាកាមចំនួន១២រូបមកពីខេត្តចំនួនបីដើម្បីបានទទួលការបណ្តុះបណ្តាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយ។

ក្នុងសេចក្តីជូនដំណឹងមួយរបស់មជ្ឈមណ្ឌលបុប្ផាណា ចេញផ្សាយកាលពីថ្ងៃទី៥ ខែវិច្ឆិកា ឆ្នាំ២០១៨ សរសេរថាដោយបានការឧបត្ថម្ភពីកម្មវិធី Voice តាមរយៈអង្គការ Oxfam Cambodia និងស្ថានទូតអូស្រ្តាលីប្រចាំកម្ពុជាបានបង្កើតគម្រោងមួយឈ្មោះថា «ការបន្លឺសំឡេងរបស់ស្រ្តីជណជាតិដើមភាគតិត និងនក្រុមមនុស្សដែលត្រូវគេរើសអើងតាមរយៈពហុប្រព័ន្ធផ្សព្វផ្សាយដែលមាននវភាព» សម្រាប់រយៈពេល ២៤ (ម្ភៃបួន) ខែ។

បើតាមប្រភពខាងលើ គម្រោងនេះ នឹងផ្តល់អាហារូបករណ៍ចំនួន១២កន្លែងដល់សិក្ខាកាមមកពីខេត្តបន្ទាយមានជ័យ រតនគិរី និងមណ្ឌលគិរី។ គម្រោងនេះនឹងបណ្តុះបណ្តាលសិក្ខាកាមលើការផលិតភាពយន្តឯកសារ និងពហុប្រព័ន្ធផ្សព្វផ្សាយ។

បេក្ខជនមកពីខេត្តគោលដៅទាំងបីនេះត្រូវមានអាយុចន្លោះពី១៨ ដល់៣០ឆ្នាំ និងមានសញ្ញាបត្រមធ្យមសិក្សាទុតិយភូមិឡើងទៅ។ អ្នកដែលត្រូវបានជ្រើសរើសនឹងទទួលបានអាហារូបករណ៍សម្រាប់ការសិក្សា ស្នាក់នៅ និងហូបចុករហូតដល់ចប់វគ្គសិក្សា៕