Sterling សុំទោសទាក់ទិនរឿងចម្រូងចម្រាសបាល់ប៉េណាល់ទីក្នុងប្រកួតយប់មិញ

2018-11-08 13:11:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើនៃក្លឹប Manchester City កីឡាករ Raheem Sterling បានចេញមុខសុំទោសទៅកាន់លោកអាជ្ញាកណ្ដាល ក៏ដូចជាក្លឹបអ៊ុយក្រែន Shakhtar Donetsk ចំពោះការផ្ដល់បាល់ពិន័យ ១១ម៉ែត្រយ៉ាងអយុត្តិធម៌ ដែលបណ្ដាលពីការដួលរបស់ខ្លួន ដោយគ្មានការប៉ះទង្គិចអ្វីសោះ។

កីឡាករអង់គ្លេសរូបនេះបានប្រាប់ BT Sports ថា៖ " ខ្ញុំបានទៅឆ្កឹះបាល់ ហើយខ្ញុំមិនដឹងថាមានរឿងអីកើតឡើងទៀតនោះទេ ស្រាប់តែខ្ញុំដួល ហើយរមៀលតែម្ដង " ។

Sterling បានបន្តថា៖ " ខ្ញុំអត់គិតថា មានអ្នកមកទង្គិចខ្ញុំនោះទេ វាជាកំហុសរបស់ខ្ញុំ។ ខ្ញុំបានដួល ហើយអូសទៅនឹងដីហ្នឹង ហើយក៏សូមសុំទោសទៅលោកអាជ្ញាកណ្ដាល និងក្លឹប Shaktar ផង " ។

សូមបញ្ជាក់ថា ការសម្រេចចិត្តផ្ដល់បាល់ពិន័យ ១១ម៉ែត្រនេះ បណ្ដាលមជ្ឈដ្ឋានបាល់ទាត់រិះគន់យ៉ាងខ្លាំងទៅលើលោកអាជ្ញាកណ្ដាល។ តែយ៉ាងណាក៏ដោយ ក្លឹបអង់គ្លេស Manchester City បានឡើងទៅវគ្គ ១៦ក្រុមដោយស្វ័យប្រវត្តិហើយបន្ទាប់ពីយកឈ្នះលើក្លឹបអ៊ុយក្រែនក្នុងលទ្ធផល ៦-០៕

ប្រភព៖ BBC ប្រែសម្រួល៖ ហ៊ីម រស្មី