មួន ម៉ារ៉ា បាញ់ រ៉ឹង ប៊ុនហៀង ឈឺៗតែម្ដងក្រោយកម្ពុជាចាញ់ម៉ាឡេស៊ី១-០

2018-11-09 02:14:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិកម្ពុជាបានប្រកួតចាញ់បាល់ទាត់ម៉ាឡេស៊ី១-០ ក្នុងជំនួបបើកឆាកសន្សំពិន្ទុក្នុងពូល A នៃព្រឹត្តិការណ៍ AFF Suzuki Cup 2018 នៅពហុកីឡដ្ឋានជាតិ។

រ៉ឹង ប៊ុនហៀង ស្ដាំ

ក្នុងការប្រកួតដែលកម្ពុជាចាញ់នោះត្រូវបានគេមើលឃើញថា ម្ចាស់ផ្ទះមានឱកាសច្រើនគួរសម ជាងនេះទៅទៀតខ្សែប្រយុទ្ធរបស់កម្ពុជាមិនអាចស្វែងរកគ្រាប់បាល់បានឡើយ។ ទាក់ទងការធ្វើឲ្យខកខានឱកាសរកគ្រាប់បាល់នេះអតីតតារាចម្រៀងកម្ពុជាលោក មួន ម៉ារ៉ា បានសរសេរលើទំព័រ Facebook របស់ខ្លួនថា «សុំទោសដែលខ្ញុំតែងតែក្រេវក្រោធនិងស្រែកឭៗ ពេលមើលបាល់ទាត់ជម្រើសជាតិម្តងៗ ព្រោះមិនចង់ដាច់សរសៃឈាម! កុំប្រកាន់អីសុំនិយាយត្រង់ ប្អូនលេខ១៤ឈ្មោះ ប៊ុនហៀង បើប្អូនទំនេរមកលេងបាយបានជាមួយក្រុមវ័យចាស់បងវិញសប្បាយជាង និងមានឱកាសរកគ្រាប់បានច្រើន ព្រោះពួកបងក៏ទាត់បាល់ខុស និងទប់ខូចៗដូចប្អូនដែរ ហើយរត់ឆ្លេឆ្លាប្រហែលគ្នា។ គាំទ្រជានិច្ចបាល់ជម្រើសជាតិយើងដែលទទួលបាននូវបទពិសោធថ្មីបន្ថែមរហូត»។

ក្រុមជម្រើសជាតិកម្ពុជា នឹងត្រូវបន្តប្រកួតទី២របស់ខ្លួននាថ្ងៃទី១២ ខែវិច្ឆិកា ឆ្នាំ២០១៨ ជាមួយក្រុមមីយ៉ាន់ម៉ា នៅទឹកដីរបស់មីយ៉ាន់ម៉ា វេលាម៉ោង ៦ល្ងាច៕