ប៉ូលិសឌូបៃ នឹងប្រើម៉ូតូហោះក្នុងឆ្នាំ ២០២០ ឯតម្លៃសឹងមិនគួរឲ្យជឿ
- 2018-11-09 02:32:54
- ចំនួនមតិ 0 | ចំនួនចែករំលែក 0
ប៉ូលិសឌូបៃ នឹងប្រើម៉ូតូហោះក្នុងឆ្នាំ ២០២០ ឯតម្លៃសឹងមិនគួរឲ្យជឿ
ចន្លោះមិនឃើញ
ក្រុមហ៊ុនមួយដែលមានមូលដ្ឋាននៅរដ្ឋកាលីហ្វរញ៉ាឈ្មោះ Hoversurf បានសហការជាមួយប៉ូលិសក្នុងទីក្រុងឌូបៃ ផលិតម៉ូតូហោះសម្រាប់ប្រតិបត្តិការយ៉ាងឆាប់រហ័ស។
ក្រោយការចុះកុងត្រាកាលពីឆ្នាំ ២០១៧ ក្រុមហ៊ុន Hoversurf បាននាំយកម៉ូតូរបស់ខ្លួនមកកាន់ទីក្រុងឌូបៃ ហើយប៉ូលិសចាប់ផ្ដើមហ្វឹកហាត់ក្នុងការជិះសាកល្បង។ យោងតាមអគ្គនាយកដ្ឋានប៉ូលិសក្រុងឌូបៃ ឲ្យដឹងថា ម៉ូតូហោះប្រភេទ eVTOL នេះ នឹងត្រូវប្រើប្រាស់សម្រាប់ការឆ្លើយតបភ្លាមៗទៅកាន់កន្លែងដែលពិបាកៗ។ ប្រភពដដែលបន្ដថា "ឥឡូវនេះ យើងមានបុគ្គលិក២នាក់ហើយកំពុងហ្វឹកហាត់បើកម៉ូតូ និងបន្ដហ្វឹកហាត់បន្ថែមទៀត។”
ចំពោះសមត្ថភាពរបស់ម៉ូតូហោះវិញ វាអាចបើកបកក្នុងល្បឿន ៩៦គីឡូម៉ែត្រក្នុងមួយម៉ោង និងរយៈកម្ពស់ ៤ម៉ែត្រ។ លើសពីនេះ វាអាចហោះហើរចន្លោះពី ១០ ទៅ ២៥នាទី ក្រោយការសាកថ្មពេញរយៈពេល ២ម៉ោងកន្លះ។ ចំពោះតម្លៃវិញ មានរហូតដល់ ១៥០ ០០០ ដុល្លារក្នុងមួយគ្រឿង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
