Giroud ដាក់មួយក្បាលជួយ Chelsea ឡើងទៅវគ្គបន្តទាំងសល់២ប្រកួត Europa League

2018-11-09 02:51:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមតោខៀវ Chelsea បានឡើងទៅកាន់វគ្គ ៣២ ក្រុមចុងក្រោយហើយ បន្ទាប់ពីយកឈ្នះទៅលើក្រុម Bate ១-០ ដែលរកបានដោយខ្សែប្រយុទ្ធ Giroud តែតបញ្ចូលទីនៅនាទី៥២ ក្នុងពានរង្វាន់ UEFA Europa League ។

តោខៀវ និង Bate បានប្រឹងប្រែងសម្រុកដៃគូទៅវិញទៅមករៀងខ្លួន ប៉ុន្តែមិនអាចទម្លាយសំណាញ់ទីគ្នាបានឡើយ។ រហូតដល់ចប់វគ្គទី១ក្រុមទាំងពីរស្មើគ្នា០-០។ ចូលដល់វគ្គទី២ នាទី៥២ ទើបGiroud អាចតែតបញ្ចូលទីបានសម្រេច ដើម្បីជួយ Chelsea នាំមុខ១-០។ ក្រោយពេលនាំមុខម្ចាស់ផ្ទះបានព្យាយាមវាយសម្រុក ដើម្បីស្វែងរកគ្រាប់បាល់តាមស្មើ ប៉ុន្តែធ្វើមិនបានសម្រេច ហើយក្រុមភ្ញៀវក៏មានបាល់ដាច់មាត់ជាច្រើនលើកច្រើនសារ ប៉ុន្តែធ្វើមិនបានសម្រេចដូចគ្នា។ ចប់ការប្រកួតក្រុមភ្ញៀវ Chelsea ឈ្នះ Bate ១-០។

ជ័យជម្នះរបស់ Chelsea ទៅលើក្រុមខាងលើនេះបានធ្វើឲ្យពួកគេបានឡើងទៅកាន់វគ្គបន្តទាំងសល់ពីរប្រកួតក្នុងដៃ។ គិតត្រឹម៤ប្រកួតនេះក្រុមដែលបានឡើងទៅកាន់វគ្គ៣២ក្រុមចុងក្រោយបានរកឃើញមួយចំនួនហើយរួមមាន៖ Bayer Leverkusen, Salzburg, Zürich , Dinamo Zagreb, Arsenal, Frsnkfurt និង Chelsea៕