គ្រូម៉ាឡេស៊ីឃើញកម្ពុជាល្អជាងមុន និងមាន២ចំណុចដែលម្ចាស់ផ្ទះកំពុងមាន

2018-11-09 03:28:58
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Tan Cheng Hoe គ្រូបង្វឹកក្រុមជម្រើសជាតិម៉ាឡេស៊ី បានមើលឃើញប្រកួតយប់មិញរបស់ម្ចាស់ផ្ទះមានភាពខ្លាំងល្អប្រសើរជាងកាលប៉ះក្រុមរបស់ខ្លួនកាលពីខែកញ្ញា ដែលក្រុមលោកបានយកឈ្នះ៣-១ក្នុងជំនួបមិត្តភាព។

លោក Tan Cheng Hoe

យប់មិញក្រុមកម្ពុជាបានចាញ់ក្រុមម៉ាឡេស៊ី១-០ ក្នុងការប្រកួតបើកឆាកក្នុងពូល A នៃព្រឹត្តិការណ៍ AFF Suzuki Cup 2018 នៅពហុកីឡដ្ឋានជាតិ។ លទ្ធផលល្អជាងលើកមុននេះ និងភាពប្រឹងប្រែងលេងរបស់ក្រុមកីឡាករកម្ពុជានៅលើទីលានបានធ្វើឲ្យលោកគិតថា ក្រុមកម្ពុជាមានភាពល្អប្រសើរជាងលើកមុន។

មួយទៀតលោកគិតថា ភាពរីកចម្រើននៃកម្រិតគុណភាពលេងនេះក៏អាចមកពីការប្រមូលផ្ដុំមានរយៈពេលយូររបស់កម្ពុជា ដូចគ្រូរបស់កម្ពុជាលោក Felix ធ្លាប់បានលើកឡើងកន្លងមក។ ចំណែកចំណុចដែលលោកមើលឃើញថា កម្ពុជាកំពុងមាននោះគឺ កីឡាករល្អៗមានស្រាប់ និង ** ស្មារតីក្នុងក្រុម ** ដែលលេងដោយកម្លាំងចិត្ត និងភាពយល់ចិត្តគ្នា។

ពិន្ទុក្នុងពូល A នេះក្រុមវៀតណាមបានឡើងទៅកាន់លេខ១ក្នុងពូលក្រោយយកឈ្នះឡាវ ៣-០ កាលពីយប់មិញ ស្របពេលម៉ាឡេស៊ីលេខ ២ បន្ទាប់ពីយកឈ្នះកម្ពុជា ១-០៕