ត្រៀមខ្លួនអ្នកគាំទ្រទាំងអស់! BTS អាចនឹងមានមុខសម្ដែងពិសេសនៅកូរ៉េខាងជើងឆ្នាំ ២០១៩

2018-11-09 06:42:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ព័ត៌មានទាក់ទងនឹងក្រុមចម្រៀង BTS តែងតែធ្វើឲ្យអ្នកគាំទ្រចង់តាមដានឥតល្ហែ ដូចពេលនេះក៏មានដំណឹងថ្មីមួយទៀតដែរ ហើយកាន់តែទាក់អារម្មណ៍អ្នកគាំទ្រថែមមួយកម្រិត នោះគឺពាក់ព័ន្ធនឹងការប្រគំតន្ត្រីដែលនឹងធ្វើឡើងក្នុងប្រទេសកូរ៉េខាងជើង។

បើតាមការឲ្យដឹងពីតំណាងរបស់គណបក្ស Democratic Party of Korea‘s (DPK) បានឲ្យដឹងថា BTS នឹងសម្ដែងក្នុងប្រទេសកូរ៉េខាងជើងនៅឆ្នាំក្រោយនេះ។ លោក Ahn Min Suk រដ្ឋមន្ត្រីនៃក្រសួងវប្បធម៌ កីឡា និងទេសចរណ៍ បានប្រាប់ KBS Radio 1 ថា គណៈកម្មការពិសេស រួមសហការជាមួយ DPK កំពុងដុតដៃដុតជើងធ្វើព្រឹត្តិការណ៍មួយរវាងប្រទេសកូរ៉េទាំង២គឺ ខាងត្បូង និងខាងជើង។ ក្នុងនោះ ក៏នឹងមានការចូលរួមសម្ដែងពី BTS ដែរ ហើយការសម្ដែងនេះក៏នឹងក្លាយជាផ្នែកមួយដ៏សំខាន់នៃព្រឹត្តិការណ៍ថ្ងៃនោះ។

បើទោះបីជាប្រទេសកូរ៉េខាងជើងមានការរឹតបន្តឹងនឹងសិល្បៈវប្បធម៌របស់កូរ៉េខាងត្បូងក្ដី ប៉ុន្តែក្រុមចម្រៀង BTS នៅតែអាចទទួលបានប្រជាប្រិយភាពមិនធម្មតា។

ដោយឡែក សម្រាប់ផលិតកម្ម Big Hit វិញមិនទាន់មានការឆ្លើយតបអ្វីឡើយទាក់ទងនឹងការសម្ដែងរបស់ BTS នៅប្រទេសកួរ៉េខាងជើងនេះ។ ប៉ុន្តែប្រសិនមានការព្រមព្រៀងគ្នា នោះវានឹងក្លាយជាប្រវត្តិសាស្ត្រថ្មីទៀតសម្រាប់ក្រុម K-Pop មួយនេះ៕

ប្រភព៖ Koreaboo ប្រែសម្រួល៖ យី សុធារី