ចេញរូបរាង Oppo R19 មានបង្កប់កាមេរ៉ា ២ លើអេក្រង់

2018-11-09 07:53:08
ចំនួនមតិ 0 | ចំនួនចែករំលែក 0

ចន្លោះមិនឃើញ

Oppo R15 បានបង្ហាញមុខកាលពីខែមីនាដោយមានបំពាក់នូវរចនាបថអេក្រង់ឆក។ ប៉ុន្មានខែបន្ទាប់មក R17 ក៏បានប្រកាសចេញដោយមានអេក្រង់ឆកទំហំតូចជាងមុន។ ហេតុនេះមានការសង្ស័យថា Oppo R19 នឹងបំពាក់រចនាបថអេក្រង់ថ្មី ផ្ដល់ទំហំអេក្រង់កាន់តែធំជាងមុន។

នៅថ្ងៃនេះដែររូបរាង Concept របស់ស្មាតហ្វូន Oppo R19 ក៏បានលេចចេញឡើងតាមរយៈវិបសាយចិន Gizmo China។ រូបភាពបានបង្ហាញ R19 មានបង្កប់កាមេរ៉ា Selfie ចំនួនពីរគ្រាប់លើផ្ទៃអេក្រង់ ហើយមានស៊ុមអេក្រង់ស្ដើងបំផុត។

អេក្រង់របស់ R19 នឹងជាប្រភេទ AMOLED ដូចជា R17 ដែរ ប៉ុន្តែលើអេក្រង់នឹងមានបង្កប់ទ្រនាប់ស្កេនម្រាមដៃយ៉ាងពិសេស ហើយផ្នែកខាងក្រោយមានបំពាក់កាមេរ៉ាដល់ទៅ ៣ គ្រាប់។ ព័ត៌មានបន្ថែមទៀតដែលបង្ហាញជាមួយរូប Concept នេះមានដូចជាការទ្រាំទ្រនឹងប្រព័ន្ធ 5G, កាមេរ៉ាខាងមុខទំហំ ៤០ MP, RAM ទំហំ ៦ GB និងអង្គផ្ទុកទំហំ ៦៤ GB/១២៨ GB ជាដើម។ បច្ចុប្បន្ននេះគេនៅមិនទាន់ដឹងពីកាលបរិច្ឆេទប្រកាសចេញ Oppo R19 នៅឡើយទេ៕