សារព័ត៌មានអេស្ប៉ាញ ៖ ក្នុងបន្ទប់ផ្លាស់សម្លៀកបំពាក់ Real មានការបែងចែកយ៉ាងខ្លាំង
- 2018-11-10 01:57:40
- ចំនួនមតិ 0 | ចំនួនចែករំលែក 0
សារព័ត៌មានអេស្ប៉ាញ ៖ ក្នុងបន្ទប់ផ្លាស់សម្លៀកបំពាក់ Real មានការបែងចែកយ៉ាងខ្លាំង
ចន្លោះមិនឃើញ
Real Madrid ហាក់ដូចត្រលប់ទៅរកភាពនឹងនឡើងវិញហើយក្រោយតែងតាំងលោក Santiago Solari បន្ទាប់ពីក្រុមយក្សអេស្ប៉ាញទើបបណ្ដេញគ្រូបង្វឹកមុនចេញពីតំណែង។ យ៉ាងណាក្តី ទិដ្ឋភាពនៅក្នុងបន្ទប់ផ្លាស់សម្លៀកបំពាក់របស់ក្លឹបអធិរាជសត្រូវបានរាយការណ៍ថាពោរពេញទៅដោយភាពតានតឹង។
យោងទៅតាមសារព័ត៌មានអេស្ប៉ាញ El Chiringuito ទើបបានចុះផ្សាយថានៅក្នុងបន្ទប់ផ្លាស់សម្លៀកបំពាក់របស់ Real មាន "ការបែងចែកយ៉ាងខ្លាំង" រហូតដល់មានមនុស្សជា២បក្សពួកផ្សេងគ្នានៅក្នុងក្លឹប ដែលធ្វើឲ្យក្រុមប្រឹក្សាភិបាលរបស់ Los Blancos មានការព្រួយបារម្ភយ៉ាងខ្លាំង។
ដោយមិនបានបង្ហាញឈ្មោះចំៗ ប្រភពខាងលើរៀបរាប់ថាបញ្ហាក្តៅ២ដែលធ្វើឲ្យក្លឹបដែលឈ្នះពាន Champions League ៣សម័យកាលជាប់ៗគ្នាកំពុងខ្វែងគំនិតគ្នាយ៉ាងខ្លាំង។ ទី១ គឺកីឡាករមួយក្រុមចង់ឲ្យអតីតគ្រូបង្វឹកនិងជំនួយការគឺលោក Jose Mourinho និង Xabi Alonso មកដឹកនាំក្រុមចាប់ពីរដូវកាល ២០១៩/២០ ខាងមុខ។ ខណៈដែលកីឡាករពាក់កណ្តាលទៀតប្រឆាំងនឹងបេក្ខភាពទាំង២នេះ។ Karim Benzema អាចជាម្នាក់ក្នុងចំណោមក្រុមជំទាស់នេះ ព្រោះកីឡាករបារាំងរូបនេះមិនត្រូវបាន Mourinho ទុកចិត្តគ្រប់គ្រាន់ឡើយ។
ទី២ ស្ថានភាពរបស់ Sergio Ramos ពិតជាធ្ងន់ធ្ងរណាស់ ពិសេសក្រោយការចាកចេញរបស់ Ronaldo។ Ramos កំពុងប្រើប្រាស់ឥទ្ធិពលរបស់ខ្លួនយ៉ាងខ្លាំងលើក្រុមទាំងមូល។ ជាក់ស្តែង កាលពី២សប្តាហ៍មុន Ramos បានតបតដោយហិង្សាលើកីឡាករវ័យក្មេង Sergio Reguilon នៅពេលដែលកីឡាកររូបនេះបានឲ្យកែងដោយអចេតនាទៅលើប្រធានក្រុមរបស់ខ្លួននៅអំឡុងពេលហ្វឹកហាត់។
ថ្មីៗនេះទៀតសោត Ramos ចូលចិត្តបង្ហោះលើ Instagram ដែលរិះគន់អ្នកចាំទីថ្មីរបស់ក្លិប Thibaut Courtois និង កីឡាករ Los Blancos ផ្សេងៗទៀត ឲ្យតែធ្វើឲ្យប្រធានក្រុមរូបនេះមិនសប្បាយចិត្តជាមួយ។
ធ្ងន់ធ្ងរជាងនេះទៅទៀត ពាក្យចចាមអារ៉ាមថា នៅពេលដែល Real Madrid ប្រុងនឹងនាំយកលោក Antonio Conte មក Ramos មានប្រតិកម្មយ៉ាងខ្លាំង សូម្បីតែលោក Florentino Perez ក៏លែងហ៊ានចរចាជាមួយគ្រូបង្វឹកសញ្ជាតិអ៊ីតាលីដែរ ខណៈលោក Solari ដែលបានទៅជំនួស Lopetegui ដោយរលូនព្រោះតែមានការឯកភាពពី Ramos នេះឯង។ ប្រភពខាងលើបន្ថែម៕