យេយេ បញ្ចេញចរិតពិត ក្រោយឃើញតារាសម្ដែង ចៅខ្មែរ ប្រកាសរៀបការភេទដូចគ្នា
- 2018-11-10 06:24:58
- ចំនួនមតិ 0 | ចំនួនចែករំលែក 0
យេយេ បញ្ចេញចរិតពិត ក្រោយឃើញតារាសម្ដែង ចៅខ្មែរ ប្រកាសរៀបការភេទដូចគ្នា
ចន្លោះមិនឃើញ
តារាសម្ដែង គុច សុគន្ធរដ្ឋ ដែលគ្រប់គ្នាស្គាល់ច្បាស់ថា ចៅខ្មែរ នោះបានប្រកាសប្រាប់មហាជនជាសាធារណៈដោយគ្មានលាក់លៀមថាលោកនឹងរៀបការប្ដីនៅថ្ងៃទី១២ ខែ ធ្នូ ឆ្នាំ ២០១៨ នៅខាងមុខនេះ។
ដំណឹងនេះធ្វើឲ្យមហាជនទាំងក្នុង និងក្រៅសិល្បៈមានការភ្ញាក់ផ្អើលយ៉ាងខ្លាំងផងដែរ។ពិសេស កញ្ញា យេយេ ដោយនាង មិននឹកស្មានថា ចៅខ្មែរ គឺជាតារាសម្ដែងទី១ហ៊ានប្រកាសរៀបការភេទដូចគ្នាមិនខ្លាចពាក្យរិះគន់ ជម្នះរាល់ការមើលងាយ និងការរើសអើងពីមនុស្សនៅជុំវិញខ្លួនមួយចំនួន។
យេយេ ថា៖" ទោះបីជាពួកគាត់ទាំងពីរស្រឡាញ់ភេទដូចគ្នាមែន តែខ្ញុំសុំសរសើរគំនិតគាត់ពូកកែរកស៊ីមានលុយទិញផ្ទះទិញឡានទំនើបៗជិះហ្នឹងគេ។ មួយវិញទៀតគឺពួកគាត់មានភាពក្លាហានហ៊ានប្រកាសរៀបការ"។ ដូច្នេះនាង គ្មានអ្វីច្រើនក្រៅពីពាក្យជូនពរសុំឲ្យប្ដីប្រពន្ធស្រឡាញ់ភេទដូចគ្នាមួយគូនេះរកស៊ីទទួលទានមានបានធ្វើកិច្ចការងារអ្វីសម្រេចគ្រប់ភារកិច្ចទាំងអស់។
បន្ថែមពីនេះប្រសិនជាអាច យេយេ សុំផ្សងជួបគូព្រេងក្នុងក្ដីសុបិនឆាប់ៗ ព្រោះនាង ចង់រៀបការហើយរួមរស់ជាមួយមនុស្សជាទីស្រឡាញ់ម្នាក់ដូច ចៅខ្មែរ ដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
