មកមើល ៤សន្លឹក សត្វបក្សីប្រមាញ់ត្រីក្នុងទឹក កម្រថតបានបំផុត
- 2018-11-11 06:42:44
- ចំនួនមតិ 0 | ចំនួនចែករំលែក 0
មកមើល ៤សន្លឹក សត្វបក្សីប្រមាញ់ត្រីក្នុងទឹក កម្រថតបានបំផុត
ចន្លោះមិនឃើញ
អ្នកថតរូបម្នាក់បានថតរូបភាពក្រោមទឹកដ៏គួរឱ្យភ្ញាក់ផ្អើលបង្ហាញពីទិដ្ឋភាពដែលថតបានដោយកម្របំផុតនៃបក្សីប្រមាញ់ បានហក់ផ្លុងចូលក្នុងទឹកចាប់ត្រីជាអាហារ។
រូបភាពមួយទៀតបង្ហាញពីភាពរហ័សរហួនរបស់បក្សីប្រមាញ់ដែលមានពណ៌ដ៏ស្រស់ស្អាតនេះ តាមរយៈចំពុះនិងក្រញាំជើងរបស់វាប្រើដើម្បីចាប់ត្រីម្តងទាំងព្រម។
រូបភាពទាំងនោះត្រូវបានថតដោយ Juanita Knowles អ្នកថតរូបរបស់សារព័ត៌មាន Mercury Press ដែលបានថតនៅ Hampshire ប្រទេសអង់គ្លេសកាលពីខែមុន។
Juanita បាននិយាយថា "ខ្ញុំបាននៅអង្គុយរង់ចាំទីនោះអស់រយៈពេលប្រហែល ៤ ទៅ ៥ ម៉ោង អង្គុយលាក់ខ្លួន ព្រោះពួកគេ (បក្សីទឹក) មិនអាចមើលឃើញអ្នក ដោយសារតែអ្នកចេះពួន"។
Juanita ដែលចូលចិត្តថតរូបបែបឯកសារបន្តថាខ្លួនត្រូវប្រុងជានិច្ចដើម្បីប្រុងចាំចាប់យកទិដ្ឋភាពដ៏រស់រវើកនេះ ព្រោះបក្សីទឹកប្រភេទនេះលែងត្រូវប្រទះឃើញចាប់ត្រី២ឆ្នាំមកហើយ តែសំណាងល្អ Juanita អាចផ្តិតយកទិដ្ឋភាពនេះបានទាន់ពេលវេលា។
អ្នកថតរូបរបស់សារព័ត៌មាន Mercury Press ខាងលើបន្តទៀតថា បក្សីនេះចូលចិត្តប្រមាញ់នៅកន្លែងទឹករាក់ៗ។ ហេតុដូច្នេះ ត្រូវរង់ចាំពួកវាដោយអំណត់និងដឹងទីកន្លែងដែលពួកវាអាចនឹងទៅប្រមាញ់ឲ្យច្បាស់៕