ស្ថិតិគួរឲ្យភ្ញាក់ផ្អើលមួយដែល Man City ធ្វើបាន២១លើក ខណៈ Man Utd មិនដែលធ្វើបានម្តង

2018-11-11 06:12:25
ចំនួនមតិ 0 | ចំនួនចែករំលែក 0

ចន្លោះមិនឃើញ

Manchester United ដែលធ្លាប់ស៊ី Ipswich ៩-០ បំបាក់ Nottingham Forest ៨គ្រាប់ និងធ្លាប់ជាក្រុមខ្លាំងស៊ីគេច្រើនៗ លែងស្គាល់ពាក្យលុតគូប្រកួតចាប់ពី៥គ្រាប់ទៀតហើយក្នុងរវាង៥ឆ្នាំកន្លះចុងក្រោយនេះនៅ Premier League។

ប៉ុន្តែនៅក្នុងរយៈពេលដូចគ្នា Man City អាចស៊ុតគូប្រកួតចាប់ពី៥គ្រាប់ក្នុង១ប្រកួតរហូតដល់ទៅ២១ដង។

ប្រសិនបើគេក្រឡេកទៅមើលស្ថិតិចាប់ពីទសវត្ស៩០ រហូតដល់ឆ្នាំ២០១៣ ក្រុមបិសាចក្រហមបានគ្រប់គ្រង Premier League ជាក្រុមស៊ុតចូលគូបដិបក្ខចាប់ពី៥គ្រាប់ឡើង ដែលគ្មានក្រុមណាអាចមកប្រជែងតំណែងនេះបានឡើយ ពោលគឺ នៅទសវត្ស៩០ ស៊ុតគូប្រកួតចាប់ពី៥គ្រាប់ក្នុង១ប្រកួតបាន ១៦ លើក និង ចន្លោះពីឆ្នាំ ២០០០ ដល់ ២០១៣ ស៊ុតបាន ២៨ លើក។

វាជាយុគសម័យមាសរបស់ក្រុមបិសាចក្រហម ស្របពេលដែលSir Alex Ferguson នៅដឹកនាំ ចាប់ពីខែ សីហា ១៩៩២ ដល់ ខែ ឧសភា ២០១៣។ ប៉ុន្តែក្រោយ Ferguson ចូលនិវត្តន៍ Man Utd លែងស្គាល់រសជាតិ លុតគូប្រកួតចាប់ពី៥គ្រាប់ទៀតហើយសូម្បីតែម្តងក៏មិនដែល៕

ប្រភព៖ Goal ប្រែសម្រួល៖ សុខ លាងហ៊ត