ដូណាល់ ត្រាំ ចោទគណបក្សប្រជាធិបតេយ្យថា លួចសន្លឹកឆ្នោតនៅរដ្ឋ Florida
- 2018-11-11 06:39:02
- ចំនួនមតិ 0 | ចំនួនចែករំលែក 0
ដូណាល់ ត្រាំ ចោទគណបក្សប្រជាធិបតេយ្យថា លួចសន្លឹកឆ្នោតនៅរដ្ឋ Florida
ចន្លោះមិនឃើញ
រដ្ឋ Flordia បានដាក់ឲ្យម៉ាស៊ីនរាប់សន្លឹកឆ្នោតឡើងវិញសម្រាប់តំណែងអភិបាលរដ្ឋ និងព្រឹទ្ធសមាជិកកាលក្រោយការបោះឆ្នោតពាក់កណ្ដាលអាណត្តិកាលពីថ្ងៃអង្គារកន្លងទៅនៅសហរដ្ឋអាមេរិក។
យោងតាមរដ្ឋលេខាធិការនៃរដ្ឋ Florida លោក Ken Detzner ឲ្យដឹងថាលទ្ធផលក្រៅផ្លូវការសម្រាប់ការបោះឆ្នោតនេះ បានធ្លាក់ចុះក្នុងកម្រិត ០,៥% ដែលទាមទារឲ្យមានការរាប់ឡើងវិញដោយច្បាប់។ សន្លឹកឆ្នោតសម្រាប់តំណែងទាំងពីរនេះ មានសារសំខាន់ខ្លាំងណាស់ក្នុងការសម្រេចចិត្តដល់អ្នកឈ្នះ។ ជាមួយគ្នាដែរ ប្រធានាធិបតីត្រាំបានឆ្លើយតបទៅកាន់ដំណឹងនេះដោយចោទប្រកាន់គណបក្សប្រជាធិបតេយ្យថាបានលួចសន្លឹកឆ្នោត។ ប្រធានាធិបតីអាមេរិកទី ៤៥រូបនេះ បានសរសេរនៅក្នុងគណនី Twitter របស់ខ្លួនថា "មានគេព្យាយាមលួចសន្លឹកឆ្នោតដ៏ធំពីរនៅរដ្ឋ Florida។ យើងកំពុងឃ្លាំមើលដោយយកចិត្តទុកដាក់បំផុត។” ទោះយ៉ាងណាក៏ដោយ លោកមិនបានផ្ដល់ភស្តុតាងជាក់លាក់ណាមួយជុំវិញការចោទប្រកាន់របស់ខ្លួននោះទេ។
គួរឲ្យដឹងថា ការរាប់សន្លឹកឆ្នោតឡើងវិញ អាចនឹងត្រូវចំណាយពេល៣-៤ថ្ងៃ ប៉ុន្តែក្រុមអ្នកវិភាគនិយាយថាអាចនឹងច្រើនជាងរាប់សប្ដាហ៍សម្រាប់អ្នកឈ្នះដោយសារមានបញ្ហាប្រឈមផ្លូវច្បាប់៕
ចុចអាន ៖