ផលិតកម្មចម្រៀងឈ្មោះ មរតក មេឌៀ បានផលិតចម្រៀងថ្មីមួយបទ លំនាំបទចម្រៀងថៃមួយបទដែលកំពុងមានការរិះគន់ខ្លាំង ផ្សាយលើបណ្តាញសង្គម Youtube របស់ខ្លួន ក៏ទទួលបានការរិះគន់យ៉ាងខ្លាំងពីអ្នកទស្សនា។

ស្ទើរតែគ្រប់ Comments ខាងក្រោមបទចម្រៀងមួយបទចំណងជើងថា «ឈឺណាស់» ដែលមានលំនាំដូចគ្នានឹងបទចម្រៀងថៃដែលមានការស្រែថ្ងូរ បែបស្រើបស្រាល ព្រឺរោម ជាមួយទឹកមុខមនុស្សប្រុសម្នាក់ដែលឈរនៅក្រៅផ្ទះនោះ ធ្វើឱ្យអ្នកទស្សនាមានការខក់ចិត្ត និងរិះគន់យ៉ាងខ្លាំងពីការដែរចម្លងបទចម្រៀងមួយនេះ។

ក្នុងវីដេអូ Teaser ខ្លីទស្សនិកជន អាចយល់ថានោះជាទង្វើស្រាប់ស្រាលរបស់តួស្រី តែបើទស្សនិកជនទស្សនាវិដេអូពេញរបស់ផលិតកម្មថៃ ប្រិយមិត្តនឹងយល់ពីសាច់រឿងនៃសំឡេងថ្ងូរនោះ។ យ៉ាងណាមិញ អ្នកទស្សនាជាច្រើននៅតែមិនគាំទ្រការចម្លងបទចម្រៀងបែបនេះឡើយ ហើយស្នើរខាងផលិតកម្មពិចារណាឡើងវិញលើការផលិតបទចម្រៀងបែបចម្លងលំនាំបទបរទេសបែបនេះ៕

ខាងក្រោមជា Link វីដេអូបទចម្រៀងដើមរបស់ថៃ៖

ខាងក្រោមជា Link វីដេអូបទខ្មែរ ផលិតដោយ មរតក មេឌៀ៖

អត្ថបទ៖ Sunny