Honda នឹងដឹកនាំក្រុមកម្ពុជា តតាំងជាមួយមីយ៉ាន់ម៉ានៅល្ងាចនេះ

2018-11-12 03:31:07
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមការបញ្ជាក់របស់លោក Felix គ្រូបង្វឹកកម្ពុជា បានបញ្ជាក់ថាលោក Honda នឹងមកបញ្ជាក្រុមនៅរាត្រីនេះ តទល់ជាមួយក្រុមម្ចាស់ផ្ទះមីយ៉ាន់ម៉ា។

វគ្គសន្សំពិន្ទុ AFF Suzuki Cup 2018 នៅល្ងាចម៉ោង៦:៣០នាទីនេះ ក្រុមកម្ពុជា នឹងត្រូវតតាំងជាមួយម្ចាស់ផ្ទះ មីយ៉ាន់ម៉ា ដើម្បីស្វែងរក៣ពិន្ទុ។ មុនការប្រកួតទី២របស់កម្ពុជាចាប់ផ្ដើម លោក Felix ដែលជាគ្រូបង្វឹកបានបញ្ជាក់ថា៖ “កម្ពុជា កំពុងផ្ដោតលើការបញ្ចប់ទីរបស់កីឡាករយើង។ យើងត្រូវរៀនបង្កើតឱកាសឱ្យបានច្រើនបន្ថែមទៀតក្នុងការប្រកួតនេះដើម្បីស្វែងរកគ្រាប់បាល់។ ហើយវត្តមានរបស់ Honda នឹងធ្វើឱ្យក្រុមកាន់តែលេងល្អថែមទៀត”។

រំលឹកថា៧ប្រកួតចុងក្រោយរបស់កម្ពុជា មិនធ្លាប់ឈ្នះមីយ៉ាន់ម៉ាម្ដងណាឡើយ ដោយបានត្រឹមស្មើម្ដងគត់ក្នុងការប្រកួតមិត្តភាពនៅឆ្នាំ២០១៥ លេងនៅស្ដាតអូឡាំពិក។ ប្រកួតចុងក្រោយ មិត្តភាពឆ្នាំ២០១៧ កម្ពុជាចាញ់ក្នុងលទ្ធផល ១-២៕

អត្ថបទ៖ មុន្នីរម្យ