តាមដានសកម្មភាពតារាច្រើនរូបក្នុងព្រឹត្តិការណ៍បំបែកកំណត់ត្រាទូក ង វែងជាងគេនៅកម្ពុជា

2018-11-12 07:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាប្រុសស្រីច្រើនរូប បានចូលរួមក្នុងព្រឹត្តិការណ៍បំបែកកំណត់ត្រា ទូក ង វែងជាងគេលើពិភពលោក កាលពីព្រឹកមិញ ប្រារព្ធធ្វើឡើងនៅខេត្តព្រៃវែង ។ ក្នុងនោះ តារាល្បីៗជាច្រើន បានស្លៀកឈុតប្រពៃណី តុបតែងខ្លួនយ៉ាងស្រស់ស្អាត ធ្វើឲ្យពិធីកាន់តែមានអស្ចារ្យ ។

តារាជាច្រើនដូចជា លោក ព្រាប សុវត្ថិ កញ្ញា ឱក សុគន្ធកញ្ញា លោក ហម ឈរ៉ា កញ្ញា ហ៊ិន ច័ន្ទនីរ័ត្ន កញ្ញា ឌួង ហ្សូរីម៉ា លោក ប៊ឺរី កញ្ញា សុវត្ថិ ឌីធារីកា លោក យ៉ែម សំអូន លោក អ៊ាម វន្នី ព្រមទាំងតារាល្បីជាច្រើនដួងទៀត។

លើសពីនេះ ក៏មានការសម្ដែងនូវរបាំប្រពៃណី និងការបកស្រាយចម្រៀងដើម្បីសាទរ កម្ពុជាជាប់កំណត់ត្រា ទូក ង វែងជាងគេលើពិភពលោក ផងដែរ។

គួរជម្រាបថា ទូកងវែងជាងគេនេះ នឹងត្រូវយកមកដាក់បង្ហាញឲ្យមហាជន បានទស្សនានៅក្នុងព្រះរាជពិធីបុណ្យអុំទូក ដែលនឹងប្រព្រឹត្តទៅនៅថ្ងៃទី២១-២៣ ខែវិច្ឆិកា ឆ្នាំ២០១៨ ។បន្ទាប់មកនឹងយកទៅដាក់តាំង នៅមុខវាលព្រះមេនរុ រយៈពេលយ៉ាងយូរ១០ថ្ងៃ ទើបយកត្រឡប់ទៅខេត្តព្រៃវែងវិញ៕