អាកាសយានិកថតរូបផែនដីពីក្នុងកាប៊ីន ជាប់ពន្លឺស្រស់ស្អាតបំផុតកម្រឃើញពីមុន

2018-11-12 09:01:23
ចំនួនមតិ 0 | ចំនួនចែករំលែក 0

ចន្លោះមិនឃើញ

អាកាសយានិកម្នាក់ដែលធ្វើការហោះហើរជុំវិញពិភពលោក បានថតរូបផែនដីពីក្នុងកាប៊ីនដើម្បីចែកចាយក្នុងបណ្ដាញសង្គមពីភាពស្រស់ស្អាតនៃធម្មជាតិ។

អាកាសយានិកឈ្មោះ Christiaan van Heijst បើកបរយន្ដហោះដឹកទំនិញប្រភេទ Boeing-747 បានថតទិដ្ឋភាពផែនដីពីលើអាកាសក្នុងរយៈកម្ពស់ជាង ៩គីឡូម៉ែត្រ។ ក្នុងចំណោមរូបថតទាំងអស់ដែលលោកបានផ្ដិតយក មានបញ្ចូលទាំងរូបមីគីវ៉េ, អាចម៍ផ្កាយធ្លាក់ និងពន្លឺភាគខាងជើងដ៏ស្រស់ស្អាតបំផុត។ អាកាសយានិករូបនេះឲ្យដឹងថា "ពេលខ្លះវាពិបាកក្នុងការបរិយាយប្រាប់មនុស្សពីអ្វីដែលអស្ចារ្យបំផុតសម្រាប់ការហោះហើរពេលយប់ នៅពេលអ្នកអ្នកឃើញហ្វូងផ្កាយ, ពន្លឺភាគខាងជើង និងពន្លឺនៃបរិយាកាសជុំវិញផែនដីជាដើម។”

គួរបញ្ជាក់ថា អាកាសយានិករូបនេះ បានចំណាយពេល ៨ឆ្នាំរួចមកហើយដើម្បីថតរូបភាពទាំងនេះ ហើយគ្រប់ពេលហោះហើរម្ដងៗ លោកតែងតែយកកាមេរ៉ាតាមខ្លួនដើម្បីថតរូបដ៏ស្រស់ស្អាត និងចែកចាយសម្រាប់គ្រប់គ្នាដែលមិនងាយនឹងឃើញទិដ្ឋភាពដូចនេះ៕