Scholes ទាយពីក្រុមអាចឈ្នះពាន Premier League មាសដូច Arsenal
- 2018-11-13 02:55:48
- ចំនួនមតិ 0 | ចំនួនចែករំលែក 0
Scholes ទាយពីក្រុមអាចឈ្នះពាន Premier League មាសដូច Arsenal
ចន្លោះមិនឃើញ
Paul Scholes ព្យាករណ៍ថា Manchester City របស់ Pep Guardiola អាចជាក្រុមបន្ទាប់ដែលឈ្នះពាន Premier League មាសដ៏កម្រក្នុងពិភពបាល់ទាត់អង់គ្លេស។
Arsenal ជំនាន់ Thierry Henry, Patrick Viera និង Robert Piresគឺជាក្រុមដំបូង និងតែមួយគត់ដែលឈ្នះពានមាស Premier League ដែលគេឲ្យឈ្មោះថា Invincibles ក្រោយពួកគេលើកពានកាលពីរដូវកាល ២០០៣-០៤ ដោយមិនចាញ់សោះក្នុង៣៨ប្រកួត។
Scholes ជឿជាក់ថាក្រុមរបស់ Pep មានសមត្ថភាពអាចសាងប្រវត្តិសាស្ត្រនេះម្ដងទៀតបន្ទាប់ពីលេង១២ប្រកួត ឈ្នះ១០ ស្មើ២ និងចាញ់០។ "ខ្ញុំបានមើលប្រកួតទល់ Wolves ខ្ញុំគិតថាគ្មានក្រុមណាអាចយកឈ្នះ City បានទេ ហើយរដូវកាលនេះពួកគេនឹងបញ្ចប់រដូវកាលដោយមិនស្គាល់ពាក្យថាចាញ់"។ វីរបុរស United និយាយដូច្នេះ។
គួររម្លឹកថាកាលពីឆ្នាំ២០០៤ Arsenal លេង៣៨ប្រកួតឈ្នះ២៦, ស្មើ១២ ពី៣៨ប្រកួតមានន័យថាពួកគេរបូតពិន្ទុអស់តែ២៤ប៉ុណ្ណោះពេញមួយរដូវកាល៕