Ibrahimovic យកឈ្នះ Rooney ក្លាយជាកីឡាករចំណូលថ្មីឆ្នើមជាងគេនៅ MLS
- 2018-11-13 03:16:33
- ចំនួនមតិ 0 | ចំនួនចែករំលែក 0
Ibrahimovic យកឈ្នះ Rooney ក្លាយជាកីឡាករចំណូលថ្មីឆ្នើមជាងគេនៅ MLS
ចន្លោះមិនឃើញ
Zlatan Ibrahimovic ត្រូវបានបោះឆ្នោតឲ្យឈ្នះពាន កីឡាករចំណូលថ្មីឆ្នើមជាងគេប្រចាំឆ្នាំ (MLS Newcomer of the Year) ដោយបាននាំមុខកីឡាករអង់គ្លេស Wayne Rooney។
ពានរង្វាន់មួយនេះផ្ដល់ជូនសម្រាប់កីឡាករដែលទើបមកលេងនៅនៅរដូវកាលដំបូងក្នុងលីគកំពូលអាមេរិក។ Ibrahimovic បានចូលរួមជាមួយ LA Galaxy ពូក្លឹប Manchester United កាលពីខែ មីនាឆ្នាំនេះនិងរកបាន២គ្រាប់ក្នុងថ្ងៃបង្ហាញខ្លួនដំបូងឲ្យក្លឹប លេងទល់នឹង Los Angeles FC។
កីឡាករវ័យ៣៧ឆ្នាំបានបញ្ចប់រដូវកាល ដោយរកបាន២២គ្រាប់និងបញ្ជូនឲ្យមិត្តរួមក្រុម១០ដង ក្នុងការបង្ហាញខ្លួន២៧ប្រកួត។ គេទទួលបានសំឡេងបោះឆ្នោត៣៦% សម្រាប់ពានកីឡាករចំណូលថ្មីឆ្នើមជាងគេ។
ចំពោះ Rooney របស់ DC Unitedវិញស្ថិតនៅចំណាត់ថ្នាក់លេខពីរមាន៣២% និង Carlos Velaរបស់ក្លឹប Los Angeles FC នៅលេខ៣។ ពានរង្វាន់មួយនេះមានការសម្រេចចិត្តបោះឆ្នោតដោយអ្នកចាត់ការនៅ MLS អ្នកកាសែតនិងកីឡាករនៅលីគ MLS។ Rooney និង Ibrahimovic ក៏បានជាប់ឈ្មោះជាកីឡាករ១១នាក់ប្រចាំរដូវកាលនៅ MLSផងដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
