តាមសម្ដី Seungri បង្ហាញច្បាស់ថា BLACKPINK មានចំណុចដូច BIGBANG ច្រើនចំណុចណាស់
- 2018-11-13 03:36:20
- ចំនួនមតិ 0 | ចំនួនចែករំលែក 0
តាមសម្ដី Seungri បង្ហាញច្បាស់ថា BLACKPINK មានចំណុចដូច BIGBANG ច្រើនចំណុចណាស់
ចន្លោះមិនឃើញ
ព្រឹត្តិការណ៍ប្រគំតន្ត្រីទោលរបស់ BLACKPINK បានអង្រួនបេះដូងអ្នកគាំទ្រជាច្រើន សូម្បីតារាៗរួមអាជីពក៏លេចមុខទៅចូលរួមច្រើនដែរ។ អ្វីដែលជាការពញ្ញាក់អារម្មណ៍ នៅថ្ងៃនោះក៏មានការចូលរួមពី Seungri សមាជិកក្រុម BIGBANG ដែលត្រូវជារៀមច្បងរបស់ BLACKPINK ដែរ។
វត្តមានរបស់តារាប្រុសរូបនេះលើឆាកតន្ត្រីពិតជាបានធ្វើឲ្យព្រឹត្តិការណ៍ថ្ងៃនោះអស្ចារ្យថែមមួយកម្រិត ហើយនេះក៏បង្ហាញពីទឹកចិត្តគាំទ្ររបស់លោកចំពោះសិស្សប្អូនដែរ។ លេចមុខនៅថ្ងៃនោះ Seungri បានលើកពាក្យពេចន៍មួយចំនួនមកនិយាយ ធ្វើឲ្យអារម្មណ៍ BLINK (អ្នកគាំទ្រ BLACKPINK) រំភើបមួយកម្រិត។
Seungri ថា៖ "ខ្ញុំពិតជាមានកិត្តិយសណាស់ដែលមានវត្តមាននៅទីនេះជាមួយ BLACKPINK។ ទីតាំងប្រគំតន្ត្រីនេះ ក៏ជាកន្លែងដែល BIGBANG ចាប់ផ្ដើមការប្រំតន្ត្រីលើកដំបូងបង្អស់ដែរ ហើយខ្ញុំដឹងថាគ្រប់យ៉ាងចាប់ផ្ដើមនៅទីនេះ យើងនឹងឃើញថា ឆាប់ៗពួកគេក៏នឹងលេចមុខនៅជុំវិញពិភពលោកដែរ"។
បន្ថែមពីលើនេះ សមាជិកក្មេងជាងគេរបស់ BIGBANG ក៏បាននិយាយទៀតថា៖ "ខ្ញុំគិតថា រវាង BIGBANG និង BLACKPINK មានចំណុចដូចគ្នាច្រើន។ និយាយទៅ រាល់ពេល ឲ្យតែខ្ញុំឃើញ Jennie ខ្ញុំតែងនឹកឃើញ បងប្រុស G-Dragon ពួកគេទាំង ២តែងនៅទីក្រុងប៉ារីស ហើយស្ទីលលេងខ្លួនក៏ឡួយៗដែរ។ Lisa វិញ តែងធ្វើឲ្យខ្ញុំនឹកឃើញ Daesung ពេលនាងមានអារម្មណ៍ស្រស់ស្រាយ រីឯ Jisoo ក៏អ៊ីចឹងដែរ ខ្ញុំឃើញនាងពេលណា ខ្ញុំនឹកដល់ TOP ដែរ។ ពួកគេទាំង ២ រាងឡប់ៗបន្តិច ហើយចូលចិត្តធ្វើរឿងហួសចិត្តច្រើន ប៉ុន្តែវានៅតែជាមន្តស្នេហ៍ទាក់ទាញរបស់ពួកគេរៀងៗខ្លួន។ ចុងក្រោយ Rosé តែងធ្វើឲ្យខ្ញុំនឹកឃើញ Taeyang។ សំឡេងរបស់នាងពោរពេញទៅដោយកម្លាំង ហើយនាងមានញាណជាអ្នកសិល្បៈពេញខ្លួន"៕