អតីតគ្រូបង្វឹកបាល់ទះកម្ពុជា និយាយពីរចំណុចដែលគួរតែមាន ដើម្បីអភិវឌ្ឍន៍វិស័យនេះ
- 2018-11-13 07:33:12
- ចំនួនមតិ 0 | ចំនួនចែករំលែក 0
អតីតគ្រូបង្វឹកបាល់ទះកម្ពុជា និយាយពីរចំណុចដែលគួរតែមាន ដើម្បីអភិវឌ្ឍន៍វិស័យនេះ
ចន្លោះមិនឃើញ
លោក សាន សុក្រិត គ្រូបង្វឹកបាល់ទះជម្រើសជាតិកម្ពុជាកាលឆ្នាំ២០១៧ បាននិយាយពីរចំណុចដែលក្រុមបាល់ទះកម្ពុជាគួរតែមាននាពេលបច្ចុប្បន្ន ដើម្បីអាចឲ្យវិស័យនេះឈានទៅរកការរីកចម្រើនបានខ្លាំងជាងនេះ។
គ្រូបង្វឹកបាល់ទះរបស់វិសាខាបច្ចុប្បន្នរូបនេះបានលើកឡើងថា ពីរចំណុចនោះគឺក្រុមជម្រើសជាតិគួរតែមានការប្រកួតជាលក្ខណៈអន្តរជាតិឲ្យបានច្រើនជាងបច្ចុប្បន្ន។ មួយទៀតគឺការបង្កើតលីគបាល់ទាត់ស្រុកខ្មែរ ដែលចំណុចនេះគឺជារឿងសំខាន់មែនទែន ដើម្បីឲ្យកីឡាករបាល់ទះទាំងអស់អាចមានការប្រកួតញឹកញាប់។
លោកនិយាយពីរចំណុចខ្វះខាតរាល់ថ្ងៃនេះថា បាល់ទះមានតែកម្មវិធីមួយគត់ សម្រាប់ជម្រើសជាតិគឺ Sea Games ដែលនេះជារឿងដែលពិបាកមែនទែន ក្នុងការធ្វើឲ្យកីឡាករមានសមត្ថភាពកើនឡើង និងទទួលបានបទពិសោធ។ នៅពេលកីឡាករជម្រើសជាតិចប់ភារកិច្ចនេះពួកគេត្រូវសម្រាករង់ចាំ Sea Games លើកក្រោយទៀត ទើបអាចមានការប្រកួតអន្តរជាតិផ្លូវការ។
លោក សាន សុក្រិត បច្ចុប្បន្នជាគ្រូបង្វឹកបាល់ទះរបស់ក្លឹបបាល់ទះវិសាខា។ បច្ចុប្បន្នសហព័ន្ធបាល់ទះបានចុះកុងត្រាជាមួយគ្រូបង្វឹកបាល់ទះមកពីចិនក្នុងកុងត្រា ៥ រដូវកាល។