ក្មេងៗកាន់តែឆ្លាតវៃក្រោយចូលរួមវេទិកាសហគមន៍ SCIA Learning Village
- 2018-11-13 11:31:57
- ចំនួនមតិ 0 | ចំនួនចែករំលែក 0
ក្មេងៗកាន់តែឆ្លាតវៃក្រោយចូលរួមវេទិកាសហគមន៍ SCIA Learning Village
ចន្លោះមិនឃើញ
ទីបំផុត SCIA Learning Village ដែលជាវេទិកាសហគមន៍ថ្មីសន្លាងមួយផ្តួចផ្តើមរៀបចំដោយសាលា Singapore Cambodia International Academy ក្នុងគោលបំណងជួយសម្រួលដល់ការសិក្សារបស់សិស្សជំនាន់ថ្មី ដោយផ្អែកលើការធ្វើពិសោធន៍ជាក់ស្តែង បានប្រព្រឹត្តទៅហើយ កាលពីថ្ងៃទី៣ វិច្ឆិកា ២០១៨ កន្លងទៅនេះ។
កម្មវិធីនេះបានផ្តល់ភាពសប្បាយរីករាយ និងចំណេះដឹងជាច្រើនដល់មហាជនដែលបានចូលរួម ទាក់ទងនឹងការបង្ហាញពីបច្ចេកវិទ្យាឈានមុខ និងទំនើបបំផុត និងជំនាញទំនាក់ទំនងផ្សេងៗ ដោយអ្នកជំនាញមកពី បារាំង ជប៉ុន និងសិង្ហបុរី។
នៅក្នុងកម្មវិធីពេញមួយរសៀលនេះ ក៏មានក្រុមហ៊ុនដៃគូមួយចំនួនបានធ្វើបទបង្ហាញទាក់ទងនឹងប្រធានបទផ្សេងៗជាច្រើនទៀត។ ជាក់ស្តែងមន្ទីរពេទ្យជប៉ុនសាន់រាយស៍ ភ្នំពេញ បានធ្វើបទបង្ហាញអំពីការរៀបចំរបបអាហារូបត្ថម្ភឲ្យបានត្រឹមត្រូវ និងផ្តល់ជូនប័ណ្ណសមាជិកភាពដោយឥតគិតថ្លៃសម្រាប់ការប្រឹក្សាយោបល់ផ្នែកសុខភាពដល់អ្នកចូលរួម។
ក្រៅពីនេះ ក្រុមហ៊ុន APPress បានធ្វើបទបង្ហាញមួយទាក់ទងនឹងការបង្កើតកម្មវិធីទូរស័ព្ទចល័តដោយមិនចាំបាច់សរសេរកូដ ក្នុងពេលនោះដែរអ្នកចូលរួមក៏មានឱកាសសាកល្បងបង្កើតកម្មវិធីទូរស័ព្ទដោយខ្លួនឯងតាមរបៀបដែលងាយស្រួលបំផុត។ លើសពីនេះទៀត ក្រុម Youth Ambassadors ក៏បានបើកឲ្យអ្នកចូលរួមសាកល្បងជាមួយនឹងឧបករណ៍ទំនើប VR នៅឯស្តង់របស់ខ្លួនផ្ទាល់ផងដែរ។
មិនតែប៉ុណ្ណោះ មានក្រុមហ៊ុនជាច្រើនទៀតដែលបានបង្ហាញពីគុណសម្បត្តិនៃផលិតផលរបស់ខ្លួនរួមមាន ក្រុមហ៊ុនថ្នាំលាប Gush ដែលបានបង្ហាញពីថ្នាំលាបគុណភាពខ្ពស់មិនប៉:ពាល់ដល់បរិស្ថាន ចំណែកឯសហគ្រាសច្នៃប្រឌិតទឹកស្អាត WateROAM ក៏បានបង្ហាញពីរបៀបចម្រោះទឹកស្អាតយកមកប្រើប្រាស់ដោយមិនចាំបាច់ប្រើប្រាស់ធនធានច្រើនផងដែរ។
នៅជិតបញ្ចប់នៃកម្មវិធី អ្នកចូលរួមក៏បានរីករាយទស្សនាជាមួយនឹងការសម្តែងសមត្ថភាព “SCIA’s Got Talent”. ដែលបង្ហាញឡើងដោយសិស្សបឋមសិក្សាដល់ថ្នាក់វិទ្យាល័យរបស់សាលា SCIA ។
គួររំលឹកដែរថា សាលា SCIA នឹងមានកម្មវិធីជាច្រើនជាបន្តបន្ទាប់ចាប់ពីខែមករា២០១៩ ខាងមុខនេះ។
សម្រាប់ព័ត៌មានបន្ថែមពីកម្មវិធីនេះសម្រាប់ឆ្នាំ ២០១៩ សូមតាមដានផេករហ្វេសប៊ុកសាលា SCIA Singapore Cambodia International Academy និងវេបសាយ www.scia.edu.kh៕